Versets bíblics populars de Ifyakufuma 15

Comparteix

naŵo ati: Kani wakulukumfwisya bwino isiwi lyaŵaYawe Lesa woŵe, nekulukucite'fyo ifiluŋgeme pamenso aŵo, nekulukukuticile amafunde aŵo, lomba neŵo tesi ŋkawike pali weŵo amalwele, ayo naŵicile paŵaIjipiti, neli ŵumo; pakuti neŵo eneŵaYawe, nendukukuŵusya.

ŴaYawe makosa anji, lwimbo lwanji, Kaŵili ŵaliŵele kupuluka kwanji; Aŵa eŵaLesa ŵanji, lomba nakulukuŵalemya; NiŵaLesa ŵaŵatata, lomba nakulukuŵacindika.

Pakati pali ŵalesa mbaninani upalene namweŵo mweŵaYawe? Mbaninani umupalileni, mwemuli neŵuleme mukusweta, Mwemuli nekutondwa pakumucindikeni, mwemucite'fimpelampela?

Koti niŋkumbu syenu mwaŵatanjilila aŵantu aŵa mulubwile; Koti makosa enu mwaŵalanjisya ukuŵafisya kunanda yenu iswetelele.

Lomba, ili ŵaficile kuMa la, taŵaisiŵile ukunwa amenda akuMala, pakuti alilulile; pakuti pali fyefyo isina lyapapo lyaliilicilwe ati ni Mala. Popele aŵantu kaŵamutamacila Mose ati: Mbatwakunwe'ndo? Naye kaaŵalilila ŵaYawe; naŵo ŵaYawe kaŵamulanjisyo'muti, nemuti uyo Mose kaauposa mumenda, nemenda nao kaaŵa nense. Kopele uko ŵaYawe ŵaliŵacitile ukulayana nefunde, nakoko kaŵili ŵaliŵesesye