Versets bíblics populars de Yoni 2

Comparteix

Gete 'ena Yesu 'ina paisewa waiwaina nuganuganina, 'ana we'iwe'iyaya 'igieapwesena 'asa Kena 'enaya, Galili senanaya, ga 'ina waiwai 'ie'itaena tomota 'ediya, ta 'ina tononoyao tauna siemisena.

Ga Yesu 'igwae, “'Oyo geya'abo 'uloiloinegu, manuna 'igu guinuwa nigeya yae'ae'ale.”

'Enega Yesu topaisewao 'ieonedi ga 'ebesiwa nidi kakaedi bwasiyega siloemaedi. Ga wate 'ieonedi ga tupwana bwasi 'ebesiwa nidi soladiyega sigonidi ga tonisagali 'enaya sitauyedi.

Ta Yesu 'ediya 'igwae, “Anuwa gete 'eguma waligei, 'asiyata 'etoi 'ena yada 'abilima.”

'Enega balae metametana 'i'ewena ga tomota be yobaiyao Anuwa Tabuyega 'ipa'idi, ta wate toesa'ugelasao 'idi tebeli 'i'aubuiyedi ga 'idi mani 'ilelewanedi, ga 'enega toegimwane bunebune 'ieonedi, 'igwae, “'Imi manuwao maibo'adi gete 'enega wada 'ewa apwesedi, ta geya'abo Tamagu 'ina anuwa wagiegiebaili be 'aene 'imi 'ebe gimwane.”