Versets bíblics populars de Hibru 13

Comparteix

Nangyu too fabtas i filak, na fye ku dsal nawayu balù dét i gununyu, du yé man Dwata, “Là sa tnagakta gamu na là ti bayàta gamu.”

Dyisas Krayst, là mgilihan, du salngad i kagkahan di munan, na di mdu ani, na kel di landè sen.

Taman, labè ato man dun, “Yé tmabeng do i Amu, taman là likò agu. Dét kè gnagan i dad to di do?”

Nangyu glifet mimò fye, na too gamu stabeng du yé dsù gamflehew di Dwata.

Taman, dnayento i Dwata, du yé mgimò dsùto di kenen fagu di ksasatuto ku Dyisas, du yé kibòto fdilè i dagitan.

I kdee dad to, gtenla nafè na fabtas i kaswè yaan, na nang gamu slafà. Falnayam Dwata i kdee dad to mimò sasè knayè i lawehla na lmafà i yaanla.

Na nangyu glifet mafè i dad to magu slob di gumnèyu. Nun dademe dad to mimò ayé, na là gadèla dun dad kasaligan Dwata kadì i nafèla.

Ta nték Dwata i Amuto Dyisas, dunan i Mdatah Mifat dad Bilibili mdà di kfatin, na i litèan too fambagal i kasafnè landè sen. Dwata gumdà ktanak, na kenen moon mlé gamu kdee kalnidùyu du fye gimenyu i knayèan, na fagu di ku Dyisas Krayst, nimòan di gito i kdee gamflehew di kenen. Magdayen Krayst kel di landè sen. Amén.