1
Kolosas 3:13
I Falami Kasafnè (New Testament)
bpr
Tooyu fantahà i nawayu di dademeyu to, na balù dét i salàla di gamu, fnasinsyayu ale salngad i kfasinsya Dwata gamu.
Compara
Explorar Kolosas 3:13
2
Kolosas 3:2
Tooyu fnè di fandamyu i kdee tagàan gamu ditù di langit, na nangyu fabtas i dad teenyu dini di tah tanà.
Explorar Kolosas 3:2
3
Kolosas 3:23
Na balù dét i nimòyu, tooyu fanye mimò dun du di Amuto gumimòyu dun, ise ku di dad to.
Explorar Kolosas 3:23
4
Kolosas 3:12
Gamu i dad to Dwata. Kanbongan gamu nawa, na ta nalékan gamu kenen nfun. Taman, yé fye nun kaslayù nawayu, na sakdo gamu, na safdanà gamu, na fanyeyu baluyu di dademeyu, na fantahàyu i nawayu di kat satu gamu.
Explorar Kolosas 3:12
5
Kolosas 3:16-17
Na tooyu fnè di nawayu i kdee tdò Krayst. Na satdò gamu, na saflau gamu fagu di kfulung blé Dwata di gamu, na lingagyu i dad Salmo na i dademe lingag dmayen di Dwata, na fasalamat gamu di kenen. Na balù dét i nimòyu na balù dét i manyu, nimòyu i kdee ani di dagit i Amuto Dyisas, na too gamu fasalamat di Màto Dwata fagu di kenen.
Explorar Kolosas 3:16-17
6
Kolosas 3:14
Na mabtas di kdee, too gamu sakdo du yé sambakas gamu fye nun ksasatu nawayu.
Explorar Kolosas 3:14
7
Kolosas 3:1
Du ta nték Dwata gamu magin ku Krayst, taman yé tooyu fnè di nawayu i kdee kafye ditù di langit du ta sudeng Krayst déé di trunun di kwanan Dwata.
Explorar Kolosas 3:1
8
Kolosas 3:15
Na tooyu fnè di nawayu i ktanak blé Krayst gamu, du yé duen Dwata samsatu gamu di satu laweh. Na too gamu fasalamat.
Explorar Kolosas 3:15
9
Kolosas 3:5
Taman, tnagakyu i kdee knayè i labi ktoyu, dunan i sasè knayè i lawehyu, na i dad nimò magsik, na i dad sasè nibalyu, na i kalbong kdee dad sasè. Na nang gamu lom du i klom satu kafdalan di kfangamfù di ise glut dwata.
Explorar Kolosas 3:5
10
Kolosas 3:3
Du ta sawe mati gamu, na i glut tlawilyu ta gbusek ditù di saféd Dwata magin ku Krayst.
Explorar Kolosas 3:3
11
Kolosas 3:8
Bay ani, ta là fakay ku là tnagakyu i kdee ani: i kalbut, i kasngat, na i katduk nawa. Na nangyu falmo dagit i dademe to, na nang gamu flam di dad magsik kastulen.
Explorar Kolosas 3:8
12
Kolosas 3:9-10
Na nang gamu tmulen kéng du ta nlusyu sa i labi ktoyu na i dad adatan. Na ta lsakyu i falami kto mdà di Dwata, na yé nimò Dwata fanlesan fmalami gamu kel di kasalngadyu di kenen ldam du fye too sikof i kgadèyu kenen.
Explorar Kolosas 3:9-10
13
Kolosas 3:19
Na gamu dad lagi nun yaan, tooyu kando i yaanyu, na fan-ganagyu i kastulenyu di dale.
Explorar Kolosas 3:19
14
Kolosas 3:20
Na gamu dad ngà, nimenyu i dad tuayu di kdee dad nimòyu du yé gamflehew di Dwata.
Explorar Kolosas 3:20
15
Kolosas 3:18
Na gamu dad libun nun yaan, nimenyu i yaanyu du yé gten nimò i dad libun ftoo di ku Dyisas.
Explorar Kolosas 3:18