Versets bíblics populars de Matei 5

Comparteix

Iwanu ng'awotuwa ichitasa na kuchighubika na iseghe baye, ila wochika mna ichinala, nacho chowamulikila iwanu wose iwali mng'anda. Pfipfo na mwemwe mleke ghumwanga ghwenu ghumulike hambele ha iwanu, nawo waghone ghamatendo ghenu ighanoghile, wamtunitse Aba wenu iyali kulanga.

“Mwemwe mwa ghumwanga ghwa isi. Mji ghung'awa mchidando ng'aghudaha kwipfisika baye.

Wabweda awala wana imimoyo yelile, kwaapfila awo watsomwona Imlungu.

Wabweda awala wana inzala na ing'ilu ya ukutenda haki, kwaapfila awo watsoghutitswa.

Lekeni nene nomlongelani, muwakunde aduwi tsenu, na muwalombele awala iwomdununzani

Wabweda iwali wahingwa wa iloho, kwaapfila ufalume wa kulanga wawo.

Wabweda awala iwopatanisha iwanu, kwaapfila awo watsokemighwa wana wa Imlungu.

Wabweda awala wana ihutsuni, kwaapfila watsokanzighwa.

Wabweda awala iwodununzika kwa ajili ya ukutenda haki, kwaapfila awo ufalume wa kulanga wawo.

Wabweda iwanu awala wana libatsi, kwaapfila awo watsakonelighwa libatsi.

“Mbweda mwemwe iwanu hawatsomligheni na kumdununzeni na kumlongeni chila mbuli ihile kwa ughutsu, kwaajili yangu nene. Mdeng'e na kudeng'elela; kwaapfila ghweko lyenu kulu kulanga; mana apfo pfipfo pfawawadununze manabii wa ghumwande iwamlongoleleni mwemwe.

Wabweda awala iwali wahole, kwaapfila watsoihala isi.

“Mwemwe mwa imunyu ya isi. Lekeni imunyu ing'ahinyika, angu itsoghumighwa choni mbaka ikole keli? Ng'aina sang'ano keli baye, ila yasighwe kunze na iwanu waibajughe.

Muwe watimilifu, kama Aba wenu iyali kulanga pfayali mtimilifu.

Lekeni mng'alonga ‘Ona,’ iwe ‘Ona,’ na mng'alonga ‘Baye,’ iwe ‘Baye’; kwa apfila chinu chochose ichibita agho, cholawa kwa ayula Yehile.

“Mhulika tsailongighwa, ‘Nenge kwa nenge, na 'tsino kwa tsino.’ Lekeni nene nomlongelani, mleke kwihisanya na imunu yehile. Imunu yang'akutowa kanza lya kujilo, mhundusile na likanza lya kumoso pfipfila yakutowe.

Inenge yako ya kujilo ing'akutenda umtotsele Imlungu, ing'ole uyase kutali naghwe; mana ng'apfu kwaghisa chiungo chako chimwe, kubita kululeka ilukuli lwako lwose lwasighwe mna ghumoto ghwa jehanamu. Na ghumoko ghwako ghwa kujilo ghung'akutenda umtotsele Imlungu, ghukane ughwase kutali naghwe; mana ng'apfu kwaghisa chiungo chako chimwe, kubita kululeka ilukuli lwako lwose lwasighwe mna ghumoto ghwa jehanamu.