Versets bíblics populars de Matei 10

Comparteix

“Lolani, nene nomtumani kama ng'olo haghati ha wambwa wa kumhulo. Apfo mwobamighwa mkengele kama nzoka na muwe wahole kama njiwa.

Imunu iyobama kuukindilitsa ugima wake katsowaghisa, lekeni iyouhinya ugima wake kwaajili yangu nene, ayo katsoupata.

Mleke kuwapfuka awala iwokoma ilukuli lekeni ng'awodaha baye kuikoma iloho; ila mumpfuke ayula iyodaha kupfihinya pfose, ilukuli hamwe na iloho mna ghumoto ghwa jehanamu.

Na imunu yang'osola ghumsalaba ghwake na kuniwinza, ayo ng'odaha kuwa wangu baye.

“Apfo chila munu iyonitoghola nene hambele ha iwanu, na nene pfipfila nitsomtoghola hambele ha Aba wangu iyali kulanga. Lekeni munu wowose iyonibela nene hambele ha iwanu, na nene nitsombela hambele ha Aba wangu iyali kulanga.

Muwahonye iwatamu, muwatsihilule iwafile, muwadeghetetse iwakoma, mlapfe ipfinyamkela. Mwemwe mbokela hela, apfo namwe mlapfe hela.

Apfo mleke kupfuka; mwemwe mwachinu chikulu ng'ani kubita wasangalala wengi!

“Mleke kupfikitsa nene nitsa kuwatenda iwanu watseghembale muisi. Mbe! Sitsile kuwatenda iwanu watseghembale baye, ila nighala lipanga.