Versets bíblics populars de Rómhánaigh 8

Comparteix

Is feasach dúinn nach bhfuil aon ní ann nach n-oibríonn Dia chun leas an dreama a thug grá dó, agus a fuair gairm de réir a rúinsean.

Mar táim cinnte nach féidir le bás, ná le beatha, ná le haingil, ná le hardchumhachtaí neamhaí, ná lena bhfuil ann anois nó lena mbeidh ann san am atá le teacht, ná le húdaráis, ná le hairde ná le doimh-neacht, ná le ní ar bith eile dár cruthaíodh, teacht idir sinn agus grá Dé in Íosa Críost ár dTiarna.

Mar an gcéanna cuidíonn an Spiorad linn inár laige; mar ní thuigimid conas urnaí a dhéanamh mar ba choir, ach bíonn an Spiorad é féin le hosnaí a sháraíos aon insint ag idirghuí ar ár son.

Cad é a déarfaimid mar fhreagra? Má tá Dia linn, cé tá inár n-éadan?

Mar sin níl aon daorbhreith i ndán don dream atá aontaithe leis an gCríost, le hÍosa.

Is bás é an intinn chollaí, ach is beatha agus síocháin an intinn a dhíriú ar an Spiorad.

Ní hea, beirimid craobh an bhua sna nithe sin uile tríd an té a thug grá dúinn.

Measaim nach fiú pianta an ama i láthair a chur i gcomparáid leis an nglóir atá le nochtadh dúinn.

Cé a thioefas idir sinn agus grá Chríost? An trioblóid, nó crá, nó géarleanúint, nó gorta, nó nochtacht. nó contúirt, nó claíomh?

Agus an té sin a scrúdaíos croíthe na ndaoine is feasach dósan intinn an Spioraid, mar bíonn an Spiorad ag idirghuí ar son na naomh de réir thoil Dé.

Mar an dream a threoraítear le Spiorad Dé is iadsan clann mhac Dé.

Mar an dream a chaitheas a mbeatha de réir na colainne, ní bhíonn ar a n-intinn ach nithe collaí, ach an dream a chaitheas a mbeatha de réir an Spioraid is ar nithe spioradálta a bhíos a n-intinn siúd.

An té nár mhór leis scaradh go toilteanach lena Mhac féin ar ár son uile, an bhfuil aon ní ann nach dtabharfaidh sé dúinn ina chuideachta?

bíonn an Spiorad é féin in éineacht lenár sprid féin ag déanamh fianaise gur clann Dé sinn. Agus más clann sinn, is oidhrí sinn, oidhrí ag Dia inár gcomhoidhrí le Críost ar choinníoll go bhfulaingímid ina chuideachta ionas go nglóirítear sinn ina chuideachta.

Mar is naimhdeach do Dhia an intinn a dhírítear ar an gcolainn; ní ghéilleann sé do dhlí Dé, ó nach féidir leis géilleadh dó

Mar bíonn ar cruthaíodh ag tnúth le nochtadh chlann mhac Dé

Is feasach dúinn go raibh ceas naíon ar ar cruthaíodh uile agus é ag cneadach go dtí anois