Versets bíblics populars de Marka 13

Comparteix

Ary ho halan’ny olona rehetra hianareo noho ny anarako: fa izay maharitra hatramin’ny farany no hovonjena.

Mitandrema, miambena, ka mivavaha; fa tsy fantatrareo izay hihavian’ny fotoana.

Koa raha mitondra anareo hatolotra izy, dia aza manahy rahateo izay holazainareo; fa izay teny homena anareo amin’izany ora izany no holazainareo; fa tsy hianareo no hiteny, fa ny Fanahy Masina.

Ny lanitra sy ny tany ho levona, fa ny teniko tsy mba ho levona.

Fa ny amin’izany andro na ora izany dia tsy misy mahalala, na dia ny anjely any an-danitra, ary na dia ny Zanaka aza, afa-tsy ny Ray ihany.

Ary raha mandre ady sy filazana ady hianareo, dia aza matahotra; tsy maintsy hisy izany, nefa tsy mbola tonga ny farany.

Koa miambena hianareo, fa tsy fantatrareo izay andro hihavian’ny tompon-trano, na ho hariva, na ho mamatonalina, na ho maneno akoho, na ho maraina,– fandrao avy tampoka izy ka mahita anareo matory. Ary izay lazaiko aminareo dia lazaiko amin’ny olona rehetra koa: Miambena.

Fa hisy firenena hitsangana hamely firenena, ary hisy fanjakana hitsangana hamely fanjakana; ary hisy horohorontany any amin’ny tany samy hafa, sady hisy mosary; izany no fiandohan’ny fahoriana.

Ary ny firenena rehetra tsy maintsy hitoriana ny filazantsara aloha.

Fa maro no ho avy amin’ny anarako hanao hoe: Izaho no Izy, ka maro no ho voafitany.

Fa mitandrema hianareo, fa hatolotra amin’ny Synedriona sy hokapohina ao amin’ny synagoga ary hitsangana eo anatrehan’ny mpanapaka sy ny mpanjaka noho ny amiko hianareo ho vavolombelona aminy.

Fa hisy Kristy sandoka sy mpaminany sandoka hitsangana, ka haneho famantarana sy fahagagana hamitahany na dia ny olom-boafidy aza, raha azo atao izany.

Fa amin’izany andro izany, raha afaka izany fahoriana izany, ny masoandro hohamaizinina, ary ny volana tsy haneho fahazavana, ary ny kintana hiraraka avy eny amin’ny lanitra, ary hohozongozonina ny hery izay ao amin’ny lanitra.