Versets bíblics populars de Genesisy 50

Comparteix

Hianareo no nisaina hanisy ratsy ahy; fa Andriamanitra kosa nisaina izany ho soa, hanao tahaka ny amin’izao anio izao, hamelona olona betsaka.

Ary hoy Josefa taminy: Aza matahotra; fa moa solon’Andriamanitra va aho?

Koa ankehitriny, aza matahotra hianareo; fa izaho hamelona anareo sy ny zanakareo madinika. Dia nampionona azy sy nanao teny malefaka nahafinaritra azy izy.

ka nanao hoe: Izao no holazainareo amin’i Josefa: Mamelà re ny fahadisoan’ny rahalahinao sy ny fahotany, fa efa nanao ratsy taminao izy; eny, mamelà ankehitriny ny fahadisoan’ny mpanompon’ny Andriamanitry ny rainao. Dia nitomany Josefa, raha niteny taminy izy ireo.

Ary hoy Josefa tamin’ny rahalahiny: Ho faty aho; nefa Andriamanitra hamangy anareo tokoa ka hitondra anareo hiala amin’ity tany ity ho any amin’ny tany izay nianianany tamin’i Abrahama sy Isaka ary Jakoba homena azy.

Ary Josefa dia nampianiana ny zanak’Isiraely ka nanao hoe: Hamangy anareo tokoa Andriamanitra, dia hitondra ny taolako hiala eto hianareo.

Dia maty Josefa, rehefa folo amby zato taona; ary dia nohosorany zava-manitra izy ka napetrany tao anatin’ny vata tany Egypta.