Versets bíblics populars de ROMA 15

Comparteix

Pus Dios ju quinta'aktaijuyan ni laich laca'ik'alhiyau ni akts'iya aquintamak'alhtaxtuyan. Pus ictapainini ju yuchi ni lhu cataxtakniyan ju mink'achat'an chai cata'aktaijuyan va ixlaca'atalh ni lhilac'ap'inat'it ju Cristo. Cata'aktaijuyan ni jantu calac'alh ju mi'alhunut'an. Pus ju Spiritu Santu na tachapun chai yuchi ju laich catamalaca'iniyan ixlhichux mi'alhunut'an ni at'ak'alht'axt'uya'it'it.

Pus tachi chun ju ixchivinti Dios ju ts'okcanta mak'anchich lhits'okcalh va quilacata'an ni capulaniyauch ju k'ox. Chai la'ixchivinti Dios pumap'aksicanau. Ju chunch lai ch'ixau va tuchi mak'alhk'ajnat ju xtaknicanauch laqui'atsucunti'an. Chai puc'atsayau ni akts'iya ca'alina' ju qui'atsucunti'an ju conk'alhiyanta lact'iyan.

Dios ju quintaxtakniyan ju quintachaput'an ni laich ch'ixauch va tuchi mak'alhk'ajnat ju quintaxtakniyan. Chai is'akstu Dios ju quintamap'aksiyan. Chai ictapainini ju yuchi ni va lakatamch catanaviniyan ju mi'atalacpast'ac'at'an chai ni chun cajuna' tachi ju k'oxich lhiulai ju Cristo Jesús. Chai ju chunch va lakatamch cajuna' ju mi'atalacpast'ac'at'an chai minchux'an alacnona'it'it ni xak'aich ju isDios ju qui'ucxtin'an Jesucristo. Yuchach ju ixpai.

Ju Cristo ni tamalak'avitan ju uxijnan pus vachu' ju uxijnan alamalak'avit'it ju pumatamin milhi'uxijnan. Chai ni chunch ju alat'it pus ju lapanacni catanona' ni xak'aich ju Dios.

Pus ju tam quilak'au'an ni palai k'ox catsuculh chai palai capulhilaca'alh ju Cristo ni canaviniyau ju ixk'achat pus canaviniu.