Versets bíblics populars de JU AMAVASALACALH 5

Comparteix

Chai ju anu' atapacxat chai ju papaninch tamilhpa lakatam sast'i milhpat. Chani ixtanajun: Lhijunch ni uxint'i ju ach'ap'a ju alhiqui chai alamamac'onit'i junta lakalamcanta. Lhijunch ni chunch ju alat'i ni ixmaknic'ant'a ju uxint'i. Chai lamin'ac'alhni alhimalakxt'ut'a ju lapanacni ju talhilaksich ju Dios. Amalakxt'ut'a sia yu'unch ju tachivinin tijpachux chivinti chai sia yu'unch ju tat'ajun ixlhilacaputs'un ju lacamunutpa'.

P'as ixtachivinin ni laich cak'asmatk'ocalh. Chai chani ixtanajun: Ixmaknicanta ju Ask'at'a Borrego. Chai lhijunch ni calak'ayacalh. Catanonach ni yuchi ju alin ixmak'alit chai na k'ox ixtac'atsan chai na alin ixtachaput. Pus yuchi lhijunch ni calak'ayacalh chai catalhonicalh.

Chai ju uxint'i a'ulat'a k'ai ucxtinin. Chai vachu' a'ulat'a ju palijni ni catalak'ayayach ju quiDios'an. Chai ju yu'unch catalhinona' ju lacamunutpa'.

Chai ick'asmatlh ni ixtachivinin tachi chun ju taxtokni ju navita ju Dios ju tat'ajun ju lact'iyan chai ju lacat'un chai ju laxtank'ajni ju lacat'un chai ju laca'alama. Ixchux'an chani ixtanajun: Ju vi lacak'ai putolan chai ju Ask'at'a Borrego yu'unchach ju tucan xalack'ajin. Chach atalhonik'alhicalh. Chai chach alak'ayak'alhicalh. Chach noncalh ni na alin ixtachaput'an. Chunch ju tanaulh.

Pus ju acsnich pumatam sia yu'unch ju papanin ju ixtavilanancha anch chani quijuni: ―Jantu ak'alh. Ju Jesús sastuclich ju macxcai. Chai ju yuchi xaleón junita sia yu'unch ju mak'aniya ixtamask'at'anti ju Judá chai ju k'ai ucxtin David. Chai ni sastuclich ju macxcai ju yuchi pus laich calamamaconiya' junta lacatujun lakalamcanta chai lai capuxk'ot'a' ju alhiqui.