Versets bíblics populars de Salmos 36

Comparteix

Vaa maa ni kúu iya sa'a ja jin koteku ini anua sa a, sukan sa'a ndute ma ja jin koteku yikikuñu sa a. Saa vi, Su'si, te maa ni xtnuu ñu'u nuu sa a, te ka kundijin nuu sa naxe jin sa'a jin kuu sa.

¡Naka vii naka luu kúu tnu'u nda'vi ini ni a, vi Su'si! Te chukan kúu ja ka kukanu ini ña'a ñayii ma ja jin koo va'a i nú iyo ni ji'in i ma, sukan ka kuu chili ma ja chii ndijin si'i ti ma kúu nuu kuu jin kaku ti ma.

Kovaa maa ni, vi Iya Tátnuni, chi ja nda'vi ini ni a chi ka'nu xen‑xeen, sukan ka'nu andivi a. Te sukan sukun nuu iyo viko ma, sukan ndija ni ja ni skuiso ni ja sa'a ni ja vii ja va'a nuu ñayii kándija ña'a ma.

Te sukan ka'nu sukun yuku ma, sukan kúu ja sa'a ndaa sa'a ndija ni ja kuu ñayii iyo va'a nuu ni a. Te sukan kunu ka'a ndute mar ma, sukan iyo tnu'u tátnuni ni ma, vaa ni masu kuu jin jaku'ni ndi'i ini sa nawa kúu ja jani ini ni ja sa'a ni ma. Saa vi, Su'si Iya Tátnuni, jito va'a ni ñayii ma ji'in kiti ma.