Versets bíblics populars de Heeburu 12

Comparteix

Indaaru marusa Anutuna saqarikiusauqaindi maqee maasa qiqafaidaqara foora maridaqa. Maasa maa marirana misa nifusaa narí amani narí amani iqa maridanoo sandeera foora idaqa. Maasa indaaruqaasa nifusaa narí amani narí amanidaqa sandaidaqa moomoosa nifu qiqafaranara iriseeqa qinee uriqararausai kianee qimasee aiqama ainaina qumaararai ainainnara foora maasa mandainaina amiqimasee maasa rakisi qumaree marina afaieeqee maqasaa quqasee doo oori runusee doo oori munduqaannana kai raquramisee doo miqoo kai sanda maqaraasammasee fua. Oosana arooqooqari fifi inaqa maasa saqarikirafa Yisufa kai maridanoo minasaa kai nifu mundusee fua. Yisufa maa maqanasaa maridanoo aunirira saqarisaa arirara qufanoo sia rufiasee minnisanau. Sia uqanna minnisanau. Kasooqaqee kuqiranakiqari findifi innaarunai ququsaki Anutuna aaqa marianinnanara iriseenoo mi asasiranra iriseenoo aunirira saqarisaa kuqiranara asauriranara siamma irinau fifau ainainee qimasee kaqi finau. Doo minara maqee Anutufa mariqoo mina aaqa asaukuqannai ooqumarifi maridanoo.

Anutufa maasa ummaarannai dariara maqi ifaqa maasa sia minara asasidaqa doori runidaqa doo maasa miqoo qeeqa mandainaina akiaqara darirana taikasee andeeqasee marirana asooarana maraidaqa asasidaqa.

Innee aiqamausa mariasa namufaqa amiqimmandee asooaranaki marirana amaniaqa. Inni mariranakina amiqirafa andeeqarafa kai mariaqa. Sia miqiqa karaambaiqa sia qafeefaranoo.

Doo maasa Yisuna aupuraranara iriaqa. Moomoo manda fasiqa anaasee Yisunara fidiaqaa imarufanoo sia kaukaata qinau kaqi mi umaarana mara maree fimarinau. Maasa mi oosannara iriseeqa sia nifaaqa kudoosaapamasee Yisuna aanai ubeekaranara minnisaaqa.

Doo maasa sia kasira ququsaki maridaqa minara maasa susuia. Maasa minara quandakiqa Anutuna aidiranamau kai narí amooqia. Oori kandamasee rufiaqa rufiaqa qiranannai narí amooqia.

Aneenna aidafira ummaarara qini qikoofa Anutufa dariara maqi qidanoo fee qia. Aneenna aidafiranara aupuraranannai Anutunara mina amaaku daridanoo fee qia. Aiqama faiqi nikausa aikannai qumaree nári faiqi namu mandoosana akiaqara naridaqa. Aiqamausa nári faiqi namu mandoosana akiaqara naridaqa.

Maasa Anutufa sia fifau ainaina maridanoo. Ida qamataikannimaqee marifa maridanoo, minara aaqara oosanara rufiaaqa, ani faqa ida qamataikaandoora.

Maa maqanasaaqaraa qikausa nári iriranannai maasa andeeqa qimaqaidaqa aikannai qumaree daridaqa. Anutufa maasa andeeqara oosana maraaqeera oosana oosana ummaarannai maasa dariara foora idanoo. Mifa narí andeeqarana naida qimiraree qidanoo maasa daridanoo.

Mandainaina fannoo maasa maqee maqee darimarifaqa mina faqa quandaki rakuaqaammidaqa. Mi rakirafa sia inni fidika ruqieenoo kaqi mariafanoo kaqi fuaqa, sia minara kudoosaapaaqa.