Versets bíblics populars de Eefeesusa 5

Comparteix

Innee Eefeesusa maqusanaasara Anutuna amuqusira aiku asauku marianara mina ammeemmeeriaqa asauku mundirafa maasara rinoo amuqusinoo narí marirana maasa qimaaqa maqasee kuqiranaki quqasoofanoo tatufira aandau suqara fara foora Anutuna aikiambu inau, innee faqa miqi kai iqa asauku mundirafa maasara rirana ameemmeerida nariara nariara ruaqa. Inni nariara nariara rirafa maqee maqee inniqa marirana rakisinnimaqaani.

Mi ufafa miqinoo marinara innee Eefeesusa maqannaasa inneeqa mariranasaa amiqimmandee rakisiaqa. Sia aamina fasiqara foora mariaqa irirana faqaasara foora mariaqa. Maa kamuqoo manda marira kamu marinara sia fifau suani afu afeesimarina kaqinni aiqaraani, aiqama faasaanara ainainira faasaanee qiaqa.

Innee nammari namasee furufarirana sia maraaqa mifa inni kuridimarifa maridanoo Anutuna maraquna fannoo kai inni naakufinoo naundurai qumbiqafinaqa mariaqa. Innee narí qimami narí qimamidaqa Anutunara amooqirafa inni naundurai qumbiqafina maridaqa Dafidina idi faqa amaana idi faqa Anutunara rara idi faqa mi idinannai narí qimami narí qimami qiaqa. Maasa karaambaiqa asauku mundirana Yisuna auqusaa maqee maqee aiqama ainainara maasa qikoona Anutunara dufi dufi qiaqa.

Minara innee sia furufariaqa Karaambaiqa inniara fuaqee qinaqa fifandinnanara faqa auqeefandinnanara faqa ooqai iridanoo innee mi iriranara randasee paqurimandee mi mau afeekaikamandee fidaqa qafaaqa.

Faiqí inni faqa qimannimidaqa innee aanaaseeuqa nifaaqmaaka inni qimannimidaqa, innee faqa asauku mundirana aanna raaqa, Yisufa narí ufara suqimariasa narí aanaaqara foora misara kaaqa amuqusufanoo misa naaru mariaqeera qimasee narí marirana misara kuqiranaki paasoosamandee quqanau. Innee inneeqa ninaaqmakara miqi kai iqa uriqarara ainainee qimasee nimuqusinaqa ruaqa.

Ooqai innee Eefeesusa maqusanaasa faqa asukunaki mariusa mariafanoo doo maqee karaambaiqa Anutuna faiqí anaasee aiku asauku kamambi mariafanoo kaaqa qarana fooqaasa mariafanoo, doo minara iriseeqa kaaqa qaranaki mariasara foora ida mariaqa.

Innee asauku mundiranara naaquqee marinara nariara nariara ureeqafi maridaqa reendeena mandee mariaqa.

Innee aanaaseeuqa faiqí ninaaqmaaka qimannimidaqa, innee faqa karaambaiqa aramandunnai maridaqara foora inneeqa nifaaqmaaka ufa ameemaanai miqimandee mariaqa.

Mi ufana inni faiqiara faqa qidanoo aiqama fasiqa nári ninaaqmaakara nári nifaaqara foora nári nimuqusiani, anaasee faqa nári nifaaqmaaka ufa ameemaanai eedoo qimasee mariaqa.

Ooqeenaa tamummaqara fasiqauqa akara mina maaqimminoo maridanoo, Anutufa qunara faiqí moo fannoo narí anoofa akoona minniseenoo narí aanaaqasaa atooqafinoo miqanda moodaa kara mafifaranoo.

Minara innee furufarira marirana maree mariasara faqa asukunakinaa oosana maree mariasara faqa rufiasee innee nianasaa mariaqa innee misa manda asukuna mareeqee aiqamausa nifusaa kaaqa qara qoo quqasaifaqa mi manda asukunaki mariasa nisaurirana marasee minnisaaqeera.