Versets bíblics populars de SUN MARCOS 5

Comparteix

Ti Jesuse hech laj yalbe: ―Nich'on, colemot xa yu'un laj ach'un ti xu' cu'une. Jun avo'nton batan, j'ech'el ichop xa ti achamele ―x'utat.

Te oy jun ants jchi'il. Lajcheb habil tsacbil ti chamel ti antse. Scotol c'ac'al chil ti ch'ich'e. Laj sa' ep doctoretic. Más no'ox i'ac'bat yich' vocol. Jovil ti j'ech'el ilaj scotol ti c'usi oy yu'une. Mi jutuc muc ono'ox xlecub. Yac'oj sba ti bats'ejel ti xchamele.

Ti ora imac ti ch'ich'e. Laj ya'i ti ichop xa ti sbec'tale.

Ti Jesuse laj stsacbe sc'ob ti tsebe, hech laj yalbe: ―Talita cumi ―xut. Ja' sjam c'alal jelavesbil: Tseb, chacalbe, lican, xut.

C'alal yac'oj sba tsc'opon ti antse ti Jesuse, oy much'utic italic te ti sna ti Jairoe, ja' ti oy yabtel te ti temploe. Hech hul albatuc: ―Icham xa ti atsebe. Mu xa xavac'be svocol ti Maestroe ―x'utat. Te yabinoj ti Jesuse ti hech i'albate, hech yu'un lic yalbe ti ora ti Jairoe: ―Mu me xach'un. Ja' no'ox chach'un ti xu' cu'une ―xut.

Hech laj yal ti Jesuse: ―Pucuj, loc'an tal ti yo'nton avi vinic li'to ―x'utat. Yu'un ti hech laj yal ti Jesuse, hech yu'un tsots lic c'opojuc ti vinique, hech laj yalbe: ―Mu aventaucun, Jesús, ho'ot Snich'onot ti Dios ti jelaven sp'ijile. Avocoluc ti stojol ti Diose, mu me xavilbajinun ―xchi. Ti Jesuse lic sjac'be: ―¿C'usi abi? ―xut. Itac'av ti vinique: ―Legionun, yu'un epuntutic li' ochemuntutic ti yo'nton ―xchi.