Versets bíblics populars de SUN MATEO 21

Comparteix

Yu'un mi oy xch'unojel avo'ntonic, scotol ti c'utic chac'ambeic ti Diose ja' chayac'boxuc ―xiyutuntutic.

Itac'av ti Jesuse, hech laj yalbuntutic: ―Melel ti c'usi chacalbeique, mi oy xch'unojel avo'ntonic, ma'uc no'ox xu' avu'unic chapasic hech chaj c'u che'el laj jpasbe ti igote'e, ja' chc'ot ti pasel avu'unic uc scotol ti c'usi vocol ti pasel ti mu xu' avu'unique. Hech chaj c'u che'el mi chavale: “Ac'o sq'uej sba batel ti vits li'to, ac'o ochuc ti nab”, mi xachiique, ta me xc'ot ti pasel avu'unic.

Ti much'utic jbael ixanavique xchi'uc ti much'utic patil italique, co'ol tsots ic'opojic: ―¡Jpastic ti muc' ti yelnich'on ti Davide ti sc'opilal chtal ochuc ti ajvalile! ¡Jun no'ox yutsil ti itacat xa tal ti jtojoltic yu'un ti Cajvaltic Diose! ¡Ac'o spasic ti muc' ti Diose scotolic te ti vinajel uc! ―xchiic.

Hech laj yalbe: ―Hech ts'ibabil comel ti sc'op ti Diose: “Ti Jnae ja' sventa ti chac'oponune”, ti xchi ti Diose. Ho'oxuque laj xa ac'atajesic ti xch'en j'eleq'uetic ―xchi.

Albo ti much'utic te nacajtic ti Jerusalene: “Chtal ti ajvalil avu'unique. Biq'uit yac'oj sba. Cajal ti burro chtal. Ja' yol ti j'icatsnom me'burroe”, uto, xchi ti Diose, xchi ti j'alc'ope.

Ti Jesuse hech laj sjac'be: ―¿Mi mu hechuc aq'ueloj uc ti sun ti Diose? Hech chaj c'u che'el ti yajval nae ti laj yotes ti chiquina ti tone ti mu xtun laj yilic ti yaj'abtele, ja' no'ox hech laj xa yich' tsots yabtel yu'un ti Diose ti much'u t'ujbil yu'une ti ja' mu sc'anique. Ja' yabtel ti Cajvaltic Diose. Jun no'ox yutsil chc'ot ti jtojoltic, ti xchie.

Hech yu'un chacalbeic, ti ho'oxuque laj sc'opilal ti chaspasoxuc ti mantal ti Diose. Ja' tspas ti mantal yanlum crixchanoetic, ja' ti tspasic c'utic tsc'an ti Diose.