Versets bíblics populars de Bǐbɛ́mɛ 17

Comparteix

Hwenu e Ablámu ɖo xwe kanwe afɔtɔn-nukún-ɛnɛ (99) ɖó wɛ ɔ́, Mawu Mavɔmavɔ tɔ́n dó jǐ tɔn, bó ɖɔ n'i ɖɔ: “Nyɛ wɛ nyí Mawu Nǔbǐwúkpétɔ́ ɔ́. Nɔ nɔ ali ce jí; è nǐ má nɔ́ mɔ nǔjɛdo ɖé ɖɔ dó wǔ towe ó.

È sɔ́ ná nɔ́ ylɔ́ we ɖɔ Ablámu ǎ, lo ɔ́, è nǎ nɔ́ ylɔ́ we ɖɔ Ablaxámu, ɖó un sɔ́ we dó húzú tɔ́gbó nú akɔta wɔ̌buwɔ́bú.

Un ná jɛ akɔ xá we, bó ná jɛ xá vǐ towe e ná jɛ do towe mɛ lɛ́ɛ, jijimɛ ɖě jɛ ɖě gúdo. Akɔjijɛ mavɔ mavɔ ɖé wɛ é ná nyí, bó ná zɔ́n bɔ un ná nyí Mawu towe, bó ná nyí Mawu vǐ towe e ná jɛ do towe mɛ lɛ́ɛ tɔn.

“Nyɛ ɔ́, akɔ e un jɛ xá we ɔ́ ɖíe: A nǎ húzú tɔ́gbó nú akɔta wɔ̌buwɔ́bú.

Bɔ Mawu ɖɔ nú Ablaxámu ɖɔ: “Éeǒ! Asi towe Sala ná ji vǐ súnnu ɖokpó nú we dandan. A nǎ sun nyǐ vǐ ɔ́ ɖɔ Izáki. Un ná jɛ akɔ xá ɛ, bɔ é ná nyí akɔjijɛ mavɔ mavɔ nú é kpó vǐ tɔn e ná jɛ do tɔn mɛ lɛ́ɛ kpó.

Un ná ná to élɔ́ e mɛ a nyǐ jǒnɔ ɖe din ɔ́ hwi kpódó vǐ towe e ná jɛ do towe mɛ lɛ́ɛ kpó. To ɔ́ wɛ nyí Kanáa; un ná bǐ yě. É ná nyí yětɔn káká sɔ́yi, bɔ un ná nyí Mawu yětɔn.”

Ée Ablaxámu se mɔ̌ ɔ́, é xwe agbɔ̌nnusú do; é ko nǔ, bó ɖɔ dó xomɛ ɖɔ: “Nyɛ mɛ e ko ɖó xwe kanwe ko (100) ɔ́ wɛ è nǎ sixú ji vǐ ná a? Sala lɔmɔ̌ e kó ɖó xwe kanwe wǒ (90) ɔ́ wɛ ná lɛ́ ji vǐ a?”

Mawu lɛ́ ɖɔ nú Ablaxámu ɖɔ: “A sɔ́ ná nɔ́ ylɔ́ asi towe ɖɔ Salayíi ǎ; lo ɔ́, a nǎ nɔ́ ylɔ́ ɛ ɖɔ Sala.

Mi ná nɔ́ gbo ada. Adagbigbo ɔ́ wɛ ná nyí akɔjijɛ e ɖo nyɛ kpó mi kpó tɛ́ntin ɔ́ sín wuntun.

Amɔ̌, Izáki e Sala ná ji nú we ɖo xwe ɖě ɔ́ mɛ lěhwenu ɔ́, é wɛ un ná jɛ akɔ xá.”

Mi ji vǐ súnnu ɖěbǔ, bónú é ɖó azǎn tántɔn ɔ́, mi ɖó ná gbo ada n'i. Mɔ̌ wɛ mi nǎ bló nú kannumɔ e è ji ɖo to mitɔn mɛ lɛ́ɛ, bó ná lɛ́ bló nú kannumɔ e mi zé akwɛ́ dó xɔ bɔ yě má nyí akɔta mitɔn ǎ lɛ́ɛ bǐ. Mɔ̌ wɛ mi ná bló gbɔn ɖo jijimɛ lɛ́ɛ bǐ mɛ. Hǔn, è ɖǒ nǎ gbo ada nú xwéví kpó kannumɔ e è xɔ lɛ́ɛ kpó, bónú akɔ e un jɛ xá mi ɔ́ ná nyí wuntun ɖé ɖo agbaza mitɔn wú káká sɔ́yi.