Versets bíblics populars de Tíntɔ́n 23

Comparteix

Nyɛ Mawu Mavɔmavɔ, Mawu mitɔn wɛ mi ná sɛn; énɛ́ ɔ́, un ná ná nǔɖuɖu mi, bó ná ná sin mi, bó ná hwlɛ́n mi ɖo azɔn sí. Nyɔ̌nu ɖé sɔ́ ná nɔ́ gblé xo ɖo to mitɔn mɛ ǎ; nyɔ̌nu ɖé ká ná nyí wɛnsinɔ ɖo to mitɔn mɛ ǎ. Un ná ná jidɔ́ mi.

Mawu lɛ́ ɖɔ: “Mi ɖótó, un ná sɛ́ wɛnsagun ɖokpó dó bɔ é ná nɔ nukɔn nú mi, é ná nya xɛ ɖo jǐ mitɔn ɖo alixo, bó ná kplá mi yi to e un blóɖó ɖ'ayǐ nú mi ɔ́ mɛ.

Lo ɔ́, nú mi se tónú n'i, bó bló nǔ e un ná ɖɔ nú mi lɛ́ɛ bǐ ɔ́, un ná nyí kɛntɔ́ mitɔn lɛ́ɛ sín kɛntɔ́, un ná li za xá mɛ e ɖo za li xá mi wɛ lɛ́ɛ.

Mi ma kpɔ́n ɖɔ mɛ e ɖo nǔ nyanya wa wɛ lɛ́ɛ sukpɔ́, bó wa nǔ yě ɖɔhun ó. Nú è ɖo hwɛ ɖɔ wɛ hǔn, mi ma kpɔ́n ɖɔ mɛ e ɖo bɔnyijí ɖɔ wɛ lɛ́ɛ sukpɔ́, bó nɔ yě jí ó. Nú è ɖo hwɛ ɖɔ wɛ hǔn, mi ma nɔ mɛɖé jí ó; mɛ ɔ́ ná bó nyí wamamɔnɔ hǔn, mi ma nɔ jǐ tɔn ó.

Mawu ɖɔ: “Mi má dó funfún to mɛ ó. Mi ma ɖe kúnnu agɔ dó nɔ nǔnyanyawatɔ́ jí ó.