Versets bíblics populars de Tíntɔ́n 15

Comparteix

É ɖɔ nú yě ɖɔ: “Nú mi ɖótó nyɛ Mawu Mavɔmavɔ, Mawu mitɔn ɔ́ sín gbe ganjí ɔ́, nú mi wa nǔ e jlɔ́ ɖo nukún ce mɛ lɛ́ɛ ɔ́, nú mi se nǔ e un zɔ́n mi lɛ́ɛ ganjí, bó nyi sɛ́n ce lɛ́ɛ bǐ ɔ́, un ná dó azɔn e un dó Ejípunu lɛ́ɛ ɔ́ ɖěbǔ mi ǎ. Nyɛ wɛ nyí Mawu Mavɔmavɔ e nɔ gbɔ azɔn nú mi é.”

Mawu Mavɔmavɔ wɛ nyí hlɔ̌nhlɔ́n ce, é wɛ un ná nɔ́ ji han mlá. É wɛ hwlɛ́n mì gán. É wɛ nyí Mawu ce: un ná nɔ kpa ɛ. É wɛ nyí Mawu tɔ́ ce tɔn: un ná nɔ́ mlá ɛ

Óo! Mawu Mavɔmavɔ, nǔmɛsɛn tɛ́ wɛ cí hwɛ ɖɔhun? Nǔmɛsɛn tɛ́ wɛ ɖó susu, bó nyí mǐmɛ́, bó nɔ́ bló nǔjíwǔ lɛ́ɛ, bɔ kpikpa jɛ xá hwɛ ɖɔhun?

Đo xomɛnyínyɔ́ towe mɛ ɔ́, a kplá togun élɔ́ e a hwlɛ̌n gán é. Đo nǔwúkpíkpé towe mɛ ɔ́, a kplá togun élɔ́ yi tɛn mímɛ́ towe mɛ.

Yě wǎ Mala, bɔ sin ɖo fínɛ́; lo ɔ́, yě sixú nu Mala sin ɔ́ ǎ, ɖó é vɛ́. Nǔ e wú è nɔ ylɔ́ fínɛ́ ɖɔ Mala ɔ́ nɛ́. (Mala sín tínmɛ wɛ nyí nǔvívɛ́). Énɛ́ ɔ́, togun ɔ́ jɛ nǔ hlún ɖɔ dó Mɔyízi wú jí ɖɔ: “Étɛ́ wɛ mǐ nǎ nu?” Mɔyízi ka sú xó ylɔ́ Mawu Mavɔmavɔ, bɔ é xlɛ́ ɛ kpo ɖé, bɔ é sɔ́ nyi tɔ ɔ́ mɛ. Bɔ sin ɔ́ húzú sin ɖagbe. Fínɛ́ wɛ Mawu Mavɔmavɔ ná sɛ́n lɛ́ɛ kpó gbeta lɛ́ɛ kpó togun ɔ́ ɖe. Fínɛ́ ɖokpó ɔ́ wɛ é tɛ́n yě kpɔ́n ɖe.