Versets bíblics populars de Rômiunut 6

Comparteix

Ajornerub akkiliutâ, tagva toᴋo; Gûdible tunergutâ saimanartoᴋ, tagva inôseᴋ nâksaungitoᴋ Kristuseme Jêsuseme Nalegaptingne.

Ajorneᴋ ataniotijungnangimat ilipsingnut; perᴋojat kivgaringimase, saimaneruble pingmase.

Taimaimat ilijartortauᴋatigimavavut baptijutikut toᴋomut, sorlo Kristuse toᴋungajunit tupaktitaungmat Atâtab ânanaunersoanganut, taimaktauᴋ uvagut inôsertâme arvertartuksauvogut.

Avatisetauᴋ pitiniarasigik ajortomut, sakkugitaililugit idluitomut; Gûdemulle ilipsingnik tunititse, toᴋungajunit ômartutitut; avatiselo Gûdemut tunisigik sakkuᴋovlugit idluartomut.

Kaujimavluta, tâpsoma inutoᴋavut kikiaktortauᴋatigingmago saningajolingmut, time, ajornerub pinga, atorungnairᴋovlugo, ajortomik kivgartorᴋonata kingorngane.

Taimaktauᴋ ilipse, issumavileritse ilipsingnik, ajornermit toᴋunganasugiluse, inôluselo Gûdemut Kristuse Jêsusikut Nâlegaptigut.

Kanok tagva oᴋauseᴋartuksauvitâ? idluitulitsainartuksauvitâ saimaneᴋ anginersauᴋovlugô? Taimainiarata! Uvagut ajortomit toᴋomajogut, ᴋanoᴋ tamanna inôvigijomanajarpitigô?

Kaujimangilasê, nalianut kivgaulerluse tunigupse ilipsingnik nâlaklugo, nâlaktapse kivgarilermase; ajornerublônêt toᴋotsiniartub, nâlangnerublônêt idluarsaijûb?

Gûde ᴋujagijaule, ajornerub kivgarilaungmâse; mânale oᴋautsit ajoᴋertûtsinik maligaksapsingnik ômamut nâlekapsigik; Mânale ajornermit ᴋelarudjârtaumagapse idluarnerub kivgaliarimavâse.