Versets bíblics populars de Markuse 14

Comparteix

Oᴋarlunelo: Abba, Atâtak, ajugaᴋanginavit, ermgusiarsuk una pêruk uvamnit; pijomajaraungitorle, pijomajat pile.

Pigârluselo tuksiaritse, ôktortaulungnermut perᴋonase. Anerneᴋ pijomagalloarpoᴋ, uvinigle sangêpoᴋ.

Ahamarik Oᴋautivapse: Nane oᴋautsit tussarnertut ukkua oᴋautigijaukpatta silaᴋsoarme ilûnâne, oᴋartoᴋarniarivoᴋ tâpsoma piniarninganik uvamnut, erᴋaumajaujutiksanganik.

Oᴋautivaillo: Tarniga kiksarpoᴋ toᴋo tikidlugo; tagvanêtitse pigârluse.

Nerrivlutiglo Jêsusib ᴋakᴋôjaᴋ tiguvâ, ᴋujalivlunelo avgorpâ, tâpkonungalo tunivâ oᴋarlunelo: Tigulugo nerrisiuk, tagva timiga.

Ermgusiarsuglo tigugivâ, ᴋujalivlunelo tâpkonunga tâmna tunivâ; ilûnatiglo tâpsomangat imerput. Oᴋautivaillo: Tagva auga, Testamentitâb (aunga) kovijauniartoᴋ unuktut pivlugit.

Jêsusiblo oᴋautivait: Unnuarme tamattomane tamapse sinaungajutigilârpapsinga. Aglaksimangmat: Mianersijoᴋ unatadlarniarpara, saukkallo siamartidlarniarput.

Makititse aularta; ahâk, uvamnik pititsiniartoᴋ ᴋaglivoᴋ.

Jêsusiblo oᴋautivâ: Ahamarik, oᴋaupagit: Unnuarme tamattomane, angutauneᴋ niplerᴋârtinago maggoertorlune, misiarutigilârparma pingasuertorlutit.