Versets bíblics populars de Mattêuse 5

Comparteix

Nenergoak ikinginivât, ᴋattaujab atânut ilivlugo, nannergoarvingmulle pivok, iglomêtut ᴋaumavait tagva. Taimâktauk nannergoase ᴋaumatisiuk inungnut, ajungitulinipsingnik takoᴋovlugit, Atâtase ᴋilangmêtok nakorijauᴋovlugo.

Silaksoarmiut ᴋaumanerivâse. Iglugasiat ᴋakᴋab ᴋânganêtut takuksausuerungnangilat.

Piloridlarput ivjornaitunik ômatilit; Gûde takojomaramitsuk.

Piloridlarput kâktut imeruktullo idluarnermik; ilumertaujomârmatta.

Uvangale oᴋautivapse: Akkerartortise nagligisigik; ilipsingnut oᴋauserluktut saimartisigik; ômigijise ajungituliviginiarsigik; ilipsingnik kiksartitsijut unangmiklertullo tuksiarutisigik.

Piloridlarput aklujut anernerme: nâlegauvik ᴋilangmêtok pigileramitsuk.

Piloridlarput ullapirsaijut; Gûdib ᴋitornganginik taijaujomârmatta.

Piloridlarput kiksartut; manigortaujomârmatta.

Piloridlarput unangmijaudlartut idluarnek pitjutigilugo; nâlegauvik ᴋilangmêtok pigileramitsuk.

Piloridlarput nâpkiniktut; nâpkigijaujomârmatta.

Piloridlarpose, inuit suadlarpase uvanga pivlunga, unangmikpaselo, sunatuinarniglo oᴋarnerlugvigikpase, saglovlutik. Alliatitse, sivôraniaraselo, akkilertautsiaromârapse ᴋilangme. Taimâktauk nalautaijut sivorlise unangmigingmatigik.

Piloridlarput ᴋenuêtut; nuna pigileramitsuk.

Nunab sioraujarivâse. Sioraujak tarriornitsungnairpat, sumût tarriornititaunajarivâ? Atoraksaujungnairpok, egitaksauvlune inungnut tulleraksauvok.

Tamanna pivlugo nâmaksileritse, sorlo Atâtase ᴋilangmêtok nâmamaringmat.

Oᴋausise imailerlit: Âhailâ, âhailâ, aukak, aukak; ununersat idluitomit pivut.

Tussalaukpose oᴋalauktomik: Ije ijemik, kigut kigumik (akkeᴋariaᴋarpok). Uvangale oᴋautivapse: Idluitulivigikpase, akkiviginiarasigik; ullutjakulle talerpikut erᴋsârtauguvit, igluatauk manileruk.

Ijivît talerpiub sunaungatikpatit, pêruk egilugolo. Ajunginersauvok ilingnut, timivît ilanga asserorpat, timit ilûnât egitaukonago âniatitsivingmut. Aggakpit talerpikpîllônêt sinaungatikpatit, nakkakit egilugillo. Ajunginersauvok ilingnut, avativît ilangat asserorpat, timit ilûnât egitaukonago âniatitsivingmut.