Versets bíblics populars de Hebreos 8

Comparteix

Hua nequenperdonörus de lo que tli amo cuale oquechijque, hua de intlajtlacul ayecmo quiema nequelnömeques.

Öxö, yaja ini nönca acuierdo tli necchihuas ca inu giente de Israel sötiepa de inun tunalte, quejtulo Tlöcatzintle. Nectlölis nomandamientos ipa inpensamiento de yejua, hua ipa inyulo nequejcuelus. Hua neyes neinDeus de yejua, hua yejua yesque nopuieblo de naja.

Hua amo öque quemachtis itlöcaicni, nimpor amo quelfis icni: “Xetieixomate Tlöcatzintle”. Ipampa innochtie niechixomatesque, desde tli cache tzitzequetzi hasta tli cachtojyebe.

Pues cuöc Deus oquemajajuaque giente oquemelfejque ejqueyi: Xequejtacö, que bitze tunalte, quejtulo Tlöcatzintle, que necchihuas sente acuierdo yancuec para ca giente de Israel hua Judá.

Bieno pues, lo que tli cache importönte ica de noche lo que tli tequejtojtecate yaja ini nönca: Tetiepea nönca tlajtojcöteopexque, öque netlöliluc ompa elfecac ca tiemöyecmö de tietrono de Deus öque lalebes bieye hua checöhuac iloac.