Versets bíblics populars de Start 7

Comparteix

Den Da One In Charge tell Noah, “Time awready! Go inside da boat, you an all yoa ohana. Cuz from all da peopo dat stay alive, you da ony guy I see dat do da right ting erytime.

Da watta stay up on top da groun fo five month.

Noah was six hundred year an two month an seventeen day ol, wen dat happen. Dass wen Da watta dat run undaneat da wild ocean bus loose, An da big watta from inside da sky come down, Jalike somebody open up da windows up dea.

Afta, neva have notting dat live on top da groun. Neva have peopo, o animals dat live wit peopo, o tings dat crawl on top da groun, o birds dat fly inside da sky. God wipe um all out. Noah, he da ony guy dat stay alive, him an da odda peopo dat stay wit him inside da big boat.

Was day time an nite time fo forty day da rain come down on top da groun.