Versets bíblics populars de MARKOS 2

Comparteix

Benle Jesusen' da' ni, na' gože' ḻégake': —Benne' ka' nníta'gake' chawe' bi žon byenen chjake' ḻaw benne' žeyone' benách ka', san benne' yižwé' ka' žon byenen chjake' ḻaw benne' žeyone' benách ka'. Za'a neda', kege nich wḻiža' benne' chawe' ka', san nich wḻiža' benne' doḻa' ka', nich yeyát ḻáže'gake'.

Kate' gókbe'ele Jesusen' kan žejḻé'gake' chie', gože' benne' yižwén': —Ẕi'na', ba benít ḻawa' le' che doḻa' da' nbago'o.

Naž Jesusen' gože' ḻégake': —Dios bene' ža la'y nich yebéḻengeklen benách ka', kege bene' benách ka' nich góngake' x̱chin ža la'y.

Bi gok žíngake' ḻaw Jesusen' dan' zej nnita' benne' zan ka' ga na'. Che ḻen bsáljwgake' yichjo'o gan nak ḻaw Jesusen'. Katen' beyóž bsáljwgaken', blétjgake' da' dele benne' yižwén' ga na'.

Na'a gona' da' gak bia' neda', Benne' Golje' Benách, nzi' ḻo na'a yežlyó nga yenít ḻawa' che doḻa' da' zej nbaga' benách ka'. Naž Jesusen' gože' benne' yižwén': —Žapa' le': Wyase. Beká'a da' delo', na' beyéj ližo'.

Bi nak zede cha' no benne' ye'ze' benne' yižwé' ni ba benít ḻawe' che doḻa' da' nbage'e, san nak zede gone' ga yeyase', na' we'e da' dele', na' se'e.

Ḻa' wyaste benne' yižwén', na' beké'e da' góte'le', na' bežoje' ḻawgak yógo'te benne' ka' nníta'gake' ga na'. Bebángekle' yógo'tegake', na' bka'n ẕéngake' Dios, na' wnnágake': —Batkle na' ḻe'elto' da' ki.