Versets bíblics populars de MATÍO 10

Comparteix

Ḻezka' wnná Jesusen': —Le wia nga, neda' žseḻa'a ḻe'e, na' gakle ka ẕíla'do' ka' želdaba' gan zej nnita' beko' yix̱e' snia ka'. Le gak ban ḻaže' kan zej nak bele snia ka', san ḻezka' le gak gax̱jw ḻaže' kan zej nak plomdo' ka'.

No benne' že' ḻaže'e gape chi'e yeḻa' nban chie', wniten', san no benne' wnite' yeḻa' nban chie' dan' žónḻene' neda' tẕen, yelá bennen'.

Bi žébele benne' ka', benne' žótgake' beḻa' žen chegak benách ka', san bi gak wchínnjgake' be' nákkzežo. Le žebe Dios, Bennen' gak gote' beḻa' žen chele, na' ḻezka' gak cho'ne' be' nákkzele ḻo yi' gabíl.

No benne' bi si' ḻo ne'e gake' ka to benne' zejté'e ḻe'e yag kroze, na' gónḻene' neda' tẕen, bi nake' zi gake' chia' neda'.

Ḻezka' wnná Jesusen': —No benne' nne' žónḻene' neda' tẕen ḻawgak benách ka', ḻezka' neda' nnia' žonḻen bennen' neda' tẕen ḻaw X̱a', Bennen' zoe' ya'abá. Benne' ka', benne' ẕbej yíchjgake' neda' ḻawgak benách ka', na' ẕnnágake' bi žónḻengake' neda' tẕen, ḻezka' neda' kwej yichja' ḻégake' ḻaw X̱a', Bennen' zoe' ya'abá.

Le yeyón benne' yižwé' ka'. Le yeyón benne' ka' zej de'e yižwé' leže. Le yesbán benne' gat ka'. Le yebéj be' x̱iwe' ka' yo'ogak benách ka'. Bennza' yeḻa' wnná bia' ni chele. Le wkonlen žin, na' bi be wchíẕjwle.

Che ḻen, bi žébele. Záka'žele ḻe'e ḻaw Dios ka záka'gak bia zan byínnedo' ka'.

Ḻezka' wnná Jesusen': —Bi gekle za'a neda' nich ko'a yežlyó nga da' gonen ga gakgak benách ka' toze. Bi za'a nich gona' ga gakgak benách ka' toze, san za'a nich ko'a da' gonen ga ḻa'a lazgak benách ka'.