Versets bíblics populars de 1 CORINTIOS 6

Comparteix

¿Bi nnézlele beḻa' žen chele naken yodo' che Dios Be' La'y? Dios na'kze bchize' ḻe'e Dios Be' La'y na', na' Ḻe' zoe' ḻo yichj ḻáẕdo'le. Che ḻen beḻa' žen chele bi naken chezle. Na'a, naken che Dios. Dios beya'we' ḻe'e, na' to da' ẕen wdiẕjwe'. Le wkonle žin beḻa' žen chele, na' ḻezka' be' nákkzele nich wká'n ẕenle Dios, dan' zej nak beḻa' žen chele, na' be' nákkzele che Dios.

¿Bi nnézlele bi chazgak benách ka' bi zej nake' chawe' gan ẕnna bia' Dios? Bi gon ḻaže'l kwinle. Bi chaz nitó benne' wen da' ẕinnj gan ẕnna bia' Dios, na' nitó benne' ẕka'n ẕene' lo'a ka', na' nitó benne' ẕka'n ditje' yeḻa' ẕchag na', na' nitó benne' byo, benne' žon kwine' ka to no'le, na' nitó benne' byo zóaḻene' ḻa' ljež benne' byoze', na' nitó benne' wbán, na' nitó benne' ẕdan ḻaže'e yeḻa' gape, na' nitó benne' že'je', na' nitó benne' wnné ḻe'e, na' nitó benne' ẕbéjlane'. Nitó benne' žone' da' ki bi chaze' gan ẕnna bia' Dios.

Che ḻen, bi gonle doḻa' da' naken da' sban. Bíte'teze doḻa' yoble da' žon no benne', na'le ḻo da' nakkze' žone' doḻan'. San no benne' žone' doḻa' da' naken da' sban, žone' doḻa' da' nžagen ḻekze'.

Ẕnnagak benách ka': “Yo'o ḻo na'žo gonžo yógo'te.” Ḻa'kze da' ni naken dot da' li, bi žaḻa' gonžo yógo'ten. Ḻa'kze de latje gona' yógo'te, bi go'a latje bi da' nna bian' neda'.

Dios besbane' X̱anžon' ḻo yeḻa' got. Ḻezka', ḻen yeḻa' wak ẕen chie' yesbane' žo'o.