Versets bíblics populars de San Juan 9

Comparteix

Naꞌ niaꞌ leꞌe naꞌa te dza naca baguin racaten dyabëꞌ huaꞌ dyin quie Xuzaꞌ, benꞌ useꞌelaꞌ nëꞌëdiꞌ. Cati baodzeꞌ, nuranu saqueꞌ hue dyin.

Tu raca zuaꞌ lao yedyi layu, nacaꞌ ca quie guiꞌ rseniꞌn ga naca chula ta ilëꞌë yaca benëꞌ.

Naꞌra una yaca benꞌ quie Jesús rëbiyaquëꞌ lëbëꞌ: ―Maestro, ¿bixquienꞌ golo benꞌ niga nechula laohuëꞌ? ¿Nu quie dulaꞌ xquia guca laohuëꞌ canꞌ? ¿Idulaꞌ xquia quie xuzëꞌ, o chi dulaꞌ xquia quie cuinzëꞌ? Naꞌra una Jesús rëbinëꞌ yaca benꞌ quiëꞌ: ―Cala gucan quie dulaꞌ xquia quie cuinzëꞌ, ni quele dulaꞌ xquia quie xuzinëꞌ. Gucan canꞌ tacuenda inezi yaca benëꞌ cabëꞌ hue Diuzi yelaꞌ huaca quienëꞌ gacalënëꞌ lëbëꞌ.

Naꞌ biz̃i una Jesús rëbinëꞌ lëbëꞌ: ―Nëꞌëdiꞌ bidaꞌ lao yedyi layu ta huaꞌ juicio. Lëzirë bidaꞌ tacuenda yelëꞌë yaca benꞌ birlëꞌë. Pero quie yaca benꞌ bireꞌen gale quiaꞌ, bidaꞌ ta yechula laohueyaquëꞌ.