Versets bíblics populars de 2 CORINTIOS 6

Comparteix

Goḻguieṉ, guiabde to tipse gac to grë to zha ne gard sëëb xnëz Dios. Goḻgaṉ gaṉle, tib zha ne nole xnëz me, rdzieeld gac zho zig rac zha ne bii no lo doḻ. Zig nacgaa biini, zhaa nac biini, zhaagaa nac lo guieḻcow.

Teḻ xyadoo Dios, nacda zig nac xyadoo grë mdio. Ni rrieequia goṉ ne nac xyadoo me, zigne raquiet lo Xtiidz me zaatne rnee: Na gbannie naa to, iṉe sënie naa to. Naa gliladz to, ni scagaa to, lo naa ygab to.

Gacxe waa, rbiire me rnee me: ¡Goḻriee lad grë zha qui, goḻbiche lo zho! Guṉde to grë ncuaaṉe ndzinlid ne ruṉ zho, goḻbig lo naa, naa ycaania to. Naa gac Pxoz to grëse to, scagaa to, laa to gac xpëëd naa. Lëë xtiidz meṉ ne rnabey to nu.

Sac goṉ, teḻ Jesús, ¿niacxe tipse nac me grë me meṉdox? Scaquegaa grë zha ne nole xnëz mew, grieelod tipse gac zho grë zho zha ne no lo doḻ.