Versets bíblics populars de Judas 1

Comparteix

Perw le'e beṉe' migw, chacda' le'e, na' chṉeyoeda' ḻe gonc̱hac̱h laže'le cont soac̱hac̱hle šejḻe'le diža' ḻi c̱he Diosen' da' zaca'chgua. Na' ḻe yoḻ güiž Diosen' ye'lne' da' chzejni'i Spiritw c̱hen' le'e.

Cheyaḻa' gonxencho toz Dios ben' zaca' gonxencho, ben' noṉe' yeḻa' mban c̱hecho toḻi tocaṉe. Dios nan' naque' beṉe' sina' juisyw. Chac chone' cont bi lažo'cho goncho da' xiṉj, na' chac chone' cont bibi xtoḻa'cho gata' cate' yežincho lagüen' gan' yo'ochgua be'ni'. Ḻeca yebecho cana'. Diosen' naque' ḻa'zelagüe beṉe' zaca' beṉe' blao, na' zaque' chnabi'e doxen. Naque' X̱an yogo' beṉac̱h na' yogo' bica'chle da' de. Ḻen' gocxene' cate' biṉa' x̱e yežlion' na' cheyaḻa' gonxenchone' toḻi tocaṉe dan' gwseḻe' X̱ancho Jesucriston' chaclene' chio'. Ca'šca gac. Da' na'zen' chzoja'.

Na' ḻe soa ḻe gon cont gacbe'ele chaque Diosen' le'e. Na' da' cheyaše' cheži'ilaže' X̱ancho Jesucriston' chio', gone' cont šjayzoalenchone' toḻi tocaṉe. Da'nan' ḻe soa ḻe cueze batcan' gone' ca'.