Versets bíblics populars de 1 Timoteo 5

Comparteix

Še no beṉe' bi chaclene' cont gata' da' chyažje beṉe' zjanac diaža c̱he', ba bzoe' šḻa'ale xtiža' Diosen' dan' chejḻe'cho c̱hen, na' malech chone' ca beṉe' bi chesejnilaže' Jesucriston'. Na' ḻeca da' mal chone' še bi chaclene' beṉe' ḻo' yo'o c̱he'.

Še no beṉe' byo gole chone' bi da' mal, bi tiḻo'ne', san gwṉeyoede' cuejyic̱hjen', con ben xbab naque' x̱ao'. Na' še no beṉe' xcuide' chone' bi da' mal, gwṉeyoede' cuejyic̱hjen', con ben xbab naque' beṉe' bišo'.

Na' ca nac beṉe' blao ba zjanchoj chosogüia cheseṉe'e beṉe' ca' chesedop chesežag chesonxene' Criston' to to yež, še cheseṉe'e beṉe' ca' binḻo, da' xen cheyaḻa' yesacxene', na' cheyaḻa' gwnežjwchone' da' yesacbande'. Na' zaca'che' yesacxene' še cheseyix̱jue'ede' xtiža' Diosen' na' chosozejni'ide' beṉe' bi zejen.

Bitw yob cuejo' beṉe' güia ṉe'e ḻježe' cont gague leno' gapo' doḻa' še ben' gwlejon' gone' da' mal. Gwsaco' cont bibi doḻa' gapo'.