Versets bíblics populars de Mateo 17

Comparteix

Jesúsnam nirqan: <<Ichiklla markäkurmi qarqïta puëdiyarqunkitsu. Rasunpam niyaq: Mostäzapa murunnö ichikllapis markäkïnikikuna kaptinqa taqë jirkata witikunanpaq niyaptikipis witikurinmanmi. Manam imapis alläpa sasatsu qamkunapaq kanman.

Pedro tsënö nikashqan höram chipapëkaq pukutë pëkunata tsapärirqan. Pukutëpitanam Teyta Dios kënö nimurqan: <<Pëmi kuyë Tsurï. Pëpitam alläpa kushikü. Pë niyäshushqëkita cäsukuyë>>.

Jesúsnam nirqan: <<¡Mana markäkuq jutsasapa nunakuna! ¡Imëyaqraq qamkunawan këkäshaq! ¡Imëyaqraq qamkunata awantayashqëki! Mä tsë jövinta apayämï>>. Nöpanman chäratsiyaptinnam jövinta jipatsiq supëta Jesús piñaparqan. Tsëmi supëqa tsë höra jövinpita yarqurir ewkurqan. Tsë hörapitam jövin kachakärirqan.