Versets bíblics populars de Éxodo 9

Comparteix

Turasha wina senchirun iwaintuktin asan, tura wina naarun pachisar ashi nugkanam etserkartin asarmatai, wii aminka apu amajsauwaitjame.

Tumamtai Yuus Moisésan chicharuk: Wetá, tumam faraón jearim chicharkum, Yuus chichartamuk: Wii etegkamu ainan jiir akupkati. Turam wina emematriarti.

Wii wakeraknaka aminka, shuar amijai takau ainan tura ashi egiptonmaya ainajaimak yaunchuk ijinan ju nugka juigka atsau amajmain amajkauwaitjame.

nita tagkuri aina pujuina nuna ijinati tusan jatan akuptuktatjai. Turam caballo aina, burro aina, camello aina, vaca aina tura oveja ainasha jinaattawai. Turasha wii etegkamu ainan tagkuri pujuina nuka egiptonmaya tagku aina jinakaisha chikichkiksha jakashtatui.

Tuma asaakmin Egiptonam yaunchuksha wainu jakchamun, micha kijin ainan kashin káshikmasan akaketkattajai. Turatin asamtai tagku ainaka yaruakrum jeanam ashi utsaatarma, micha aina kakeak shuar aa yujainan, tura tagku aa yujainancha ijinattawai, tusa Yuus tawai titá, tusa Moisésan tinaiti.

Turam nu nugka juyujuyuntu najanakti. Tuma Egipto nugkan enetkati, tumamtai shuar aina tura tagku ainasha kuchap jiinturam senchi najaimainak waittsartatui, tusa Yuus tinaiti. Takai Moisés Aarónjai yukun juki wear, faraón pujamunam jeawaruiti. Tuma faraónkan emtin Moisés yukun yaki nagkimawaiti. Turamtai shuar ainan, tura tagku ainancha kuchap jiinturaruiti.