Versets bíblics populars de 1 Samuel 2

Comparteix

¡Yuusru, ame imau Pegkerka atsawai! ¡Ina Yuusriya, ame ayamkartinaitam imauka pegke atsawai! ¡Amina nagkatamsauka chikichka atsawai!

Nigka shuar kuitrinchau ainancha yainaiti. Tura apu aina matsatmaunam eme anentsa iitai amajsam apujnaitme. Shuar arantsa iitaiya nujai metek amajsam, apu ainajai ekeemsati tusam arantsa iitai amajsam inainaitme. Yuusa nuwaiti, ashi nugkanam iruna nuna nerennurigka. Tuma asa niyaiti ashi nugkanam iruna nuna iiyaaka.

Shuar ninak nekaspapita tusa umira nuna tuig wekait nuisha kuitamnaiti. Turasha shuar tunau ainaka jinuinawai, tumawar waittanam wenawai, chikichik shuar nina senchirijaigka, ayamrumamaitsui.

Yuuska kuitrinchau amajkartinaiti, turachkusha wiakchasha amajkartinaiti. Ni sukartusmaun atankartuksha, nigki ataksha imatiksag sukartinaiti.

Yuuska jakatnun, tura pujutnasha sukartinaiti. Tura jakakrincha ina patai aina, ikuumatainam ikurmasarmataisha ataksha inantamki pujutan suramsatnaitji.