Versets bíblics populars de VAKATEKIVU 37

Comparteix

A sa tadra o Josefa ena dua na bogi, ni sa talanoataka vei iratou na tuakana; e ratou sa qai cati koya ga kina vakalevu!

A sa levu cake na nona dau lomani Josefa o Jekope mai vei iratou na vo ni luvena tagane, baleta ni a qai sucu ni sa qase sara o koya. A sa vakarautaka vua e dua na nona kote balavu ukutaki vinaka.

Ia ni ratou sa raica na tuakana ni sa lomani Josefa vakalevu cake o tamadra mai vei ira kecega, eratou sa qai cati koya ka sega ni vosa vinaka vua.

A qai tadra tale o Josefa, ka kaya vei iratou na tuakana, “Dou rogoci au mada. Au a tadra tale, ka'u a raica na matanisiga, na vula, kei na tinikadua na kalokalo ni ra cuva tiko vei au.”

E ratou sa vuvutaki koya na tuakana, ia sa vakasamataka voli ga o tamana na veika oqo.

A sa kaya, “Dou rogoca mada na noqu tadra: E datou a vesu sila kece tiko ena i teitei, sa qai tuva wavoki na nomudou i vesu sila ka cuva ki na noqu i vesu sila.”

Dou lako mai, me datou vakamatei koya ka viritaka na yagona ki na i keli, e datou na qai la'ki kaya ni a vakamatei koya na manumanu kila. Me qai laurai sara mada kina na i balebale ni nona tadra.”

Ni ra yaco yani e kea eso na dauveivoli ni Mitiani, eratou sa qai laveti Josefa cake mai na i keli na veitacini, ka volitaki koya ena ruasagavulu na tiki ni siliva vei ira na luve i Isimeli. Era a qai kauti koya yani ki Ijipita.

E ratou a veivosakitaka vakai iratou, “Raica, sa lako mai oqo o koya na dautadra.

Ia ni se yawa tiko yani o Josefa, e ratou sa raici koya mai na tuakana, ka ratou sa nakita me ratou vakamatei koya.

Me kakua ni dave e dua na dra, ia me viritaki ga i loma ni keli oqo ena vanua lala, ia dou kakua ni vakamavoataki koya.” A sa kaya oqo o koya ena nona nakita me vakabulai koya mai vei iratou ka vakatalai koya lesu tale yani vei tamana.