Versets bíblics populars de LAKO YANI 31

Comparteix

“Au sa digitaki Bisaleli na luve i Urei tagane ka makubui Uri, mai na mataqali i Juta, ka'u sa vakasinaiti koya ena noqu kaukauwa. Au sa solia talega vua na vuku, na yalomatua, kei na kila-ka ena cakacaka vakamatai kecega, ena vakasamataki ni kena buli na i vakatakarakara se droini eso vata kei na kena vakarautaki mai na koula, siliva, kei na parasa; na musuki ni vatu talei me vakarautaki; na ceuti ni kau; kei na veimataqali cakacaka maqosa kecega vakamatai.

“O iko sara ga mo vosa vei ira na Isireli, “Mo ni maroroya na noqu Siga ni Vakacecegu ni sai koya oqo e dua na i vakatakilakila me baleti kemuni kei au, kei ira na nomuni kawa, mo ni kila kina ni sai au ko Jiova sa vakatabui kemudou.

Oqo e dua na i vakatakilakila tawa mudu ena kedra maliwa na Isireli vata kei au, baleta ni o au, ko Jiova, au sa bulia na lomalagi kei na vuravura ena ono na siga, ia ka'u sa vakacegu ga ena i kavitu ni siga.”