Versets bíblics populars de Lako Yani 7

Comparteix

Sa kaya vei Mosese o Jiova, “Raica, au sa qisi iko mo vaka na Kalou ena mata ni tui, ia o Eroni na tuakamu sa na nomu parofita.

Ia ka'u na vakaukauwataka na lomana na tui, ka'u na vakalevutaka na noqu i vakatakilakila kei na cakacaka mana ena vanua o Ijipita. Ena gauna sa na sega ni vakarorogo kina vei iko na tui, au na qai kauta mai ki Ijipita na cudru levu sa veivakatotogani, ka kauti ira tani na veimataqali kece sara ni noqu tamata na Isireli.

Era na kila na kai Ijipita ni sai au o Jiova, ena gauna au sa na dodoka yani kina na ligaqu vei ira ka kauti ira tani mai na Isireli mai Ijipita.”

A qai vakarota na tui me ra lako mai na nona tamata vuku kei ira na daucakaisausau; era vakayacora talega vakakina, ena nodra i valavala na daucakamana ni Ijipita, era a dui viritaka yadua na nodra i titoko ki na qele, ka ra sa vuki talega me gata, ia na i titoko i Eroni a tiloma kece na nodra i titoko.

A sa kaya vakaoqo o Jiova, “Ena vuku ni ka oqo, o sa na kila kina ni sai au o Jiova, raica na i titoko oqo, au na samuta kina na uciwai na Naile, ka na vuki me dra.

“Kevaka sa tukuna na tui vei kemudrau, mo drau vakayacora e dua na cakacaka mana, mo qai tukuna vei Eroni, ‘Taura na nomu i titoko ka viritaka ki na qele ena mata ni tui ka sa na vuki me gata.” E rau a lako yani o Mosese kei Eroni vua na tui ka vakayacora na ka sa vakarota vei rau o Jiova; a viritaka o Eroni na nona i titoko ena mata ni tui kei ira na nona vakailesilesi, ka sa mani vuki me gata.