Versets bíblics populars de Lako Yani 15

Comparteix

A sa kaya, “Kevaka o ni na vakarorogo vakavinaka vei Jiova na nomuni Kalou, ka cakava na ka e dodonu e matana, ka vakayacora na nona i vunau ka muria na nona i vakaro, au na sega ni totogitaki kemuni ena mate ca au a vakatauva vei ira na kai Ijipita; Ni sai au o Jiova rafa.”

Sa noqu kaukauwa kei na qaqa o Jiova; sai koya ga ka sa vakabulai au. Sai koya na noqu Kalou, ka'u na vakacaucautaki koya, Sa Kalou nei tamaqu o koya, ka'u na seretaka na nona lagilagi.

“I Jiova, o cei vei ira na kalou sa tautauvata kei kemuni? O cei sa vakataki kemuni, me vakaiukuuku ena savasava? O cei ena rawa ni vakayacora na veika lelevu ka veivakurabuitaki me vakataki kemuni?

Ena nomuni yalodina ki na nomuni vosa ni yalayala, o ni a liutaki ira kina na tamata o ni sa vakabula; ena nomuni kaukauwa o ni sa kauti ira yani ki na nomuni vanua tabu.

Ni ra yaco yani ki Mara, era a sega ni gunuva rawa na kena wai baleta ni sa rui gaga. O ya na vuna sa vakatokai kina me o Mara. Era a vosavosa na tamata vei Mosese ka kaya, “A cava eda na gunuva?” A sa qai masu vua na Kalou o Mosese, ka sa qai vakaraitaka na Kalou ki vua e dua na i musumusu ni kau ka kolotaka yani ki wai; a sa vinaka kina na wai me laugunu. A sa solia vei ira o Jiova eso na i vakaro ka vakatovolei ira talega mai kea.