Versets bíblics populars de Lako Yani 11

Comparteix

A sa kaya vei Mosese o Jiova, “Au na vakatauca tale mai e dua na i totogi vua na tui Ijipita kei ira na nona tamata. Ni sa oti o ya, ena qai laivi kemuni o koya mo ni lako. O koya ena cemuri kemuni tani mai na vanua oqo.

ka ra na mate kece sara na ulumatua tagane ena vanua o Ijipita. Me tekivu mai na ulumatua tagane ni tui, o koya ena dabe ena i dabedabe vakatui me yaco sara ki na ulumatua ni yalewa bobula o koya e qaqi sila tiko ena i qaqi. Era na mate talega na ulumatua kece ni manumanu. Ena qai yaco e dua na veitagicaki levu ena vanua o Ijipita me vaka a sega ni se bau yaco vakadua e liu se me na yaco mai muri.

A sa qai kaya vei Mosese o Jiova, “Ena sega tikoga ni vakarorogo vei iko na tui, ka me rawa kina me'u na cakava tale mada eso na noqu cakacaka mana ena vanua o Ijipita.”