Versets bíblics populars de Hechos 20

Comparteix

Enra mato jatíbitian onanmaa iki, jaskati teexon, ja yoronai jonibo akinti. Shinankanwe ja non Ibo Jesussen noa yoini keská: ‘Jawéki biax raroti bebonbires iki, jato jawéki meniax noa raroti’ ”, iki iká.

Jaskara onanaxbira, ea mawátiki rakéyamai. Ea keenaikaya riki, ja Diossen noixon jato jakonhai joi yoikin senenhaax, raroshaman iti, non Ibon ea ati yoini keská.

Jaskara iken, matonbinix rama koiranmeeananbi, wetsa joi akaiboribi koirankanwe. Jabo ikínon ixonra, Diossen Shinanman mato ancianobo imaa iki. Ja joi akaibora jawen Baken jimi kopi jato kishpinmaa iki.

Jaskara ikenra, rama Dioski itan jan mato noia jawen joiki en mato jeneai. Ja joira mato jan bebonbires jaki koshimati, itan jatíbi jawen joni ikaibo jato meniti yoini, meniti atipana koshia iki.