Versets bíblics populars de Mr 15

Comparteix

Sa yero nahitia yʉhdʉgʉ̃ waro Jesu tutuaro sañuducuahye: —‍¿Eloi, Eloi lema sabactani? niahye tiquiro. Sa nino ohõ saha nino niahye. “¿Yʉhʉ Pacʉ, yʉhʉ Pacʉ, dʉhsegʉ yʉhʉre cohãjari mʉhʉ?” nino niahye.

Tiquiro sa yariagʉ̃ ihñano surara pʉhtoro Jesu caha ducuriquiro ohõ saha niahye: —‍Ijirota ijire. Ahriquiro Cohãcjʉ̃ macʉnota ijire, niahye tiquiro.

Tiquiro yariagʉ̃ta Cohãcjʉ̃ wʉhʉ cjã suhtiro cahsero tore tiquina cahmotari cahsero deco mehna bui pehe tʉhnʉ dijia ta, tʉhnʉ maa cjũ saa wahahye.

Tiquiro sa nidi bato Jesu pehe tutuaro sañuducu, yariaa wahahye.

Sa ye coheri pje ijigʉ̃ ihtia hora waro ijipihtiropʉ nahitiaa wahahye.

Tiquina sa ni sañuducugʉ̃ tʉhoro Pilato pehe masare bucuegʉ̃ ye duaro Barrabá pehere peresupʉ ijiriquirore wio dutiahye masa tiquina cahmediquirore. Sa yero Jesu pehere yuta dari mehna tana duti, curusapʉ quẽ biha wejẽ dutiro ohoahye surarare.