Versets bíblics populars de Doma 16

Comparteix

Mibitedi bëdambuec tabadmequid icquin mibi dëniacmequin Nuquin Papan matses icsambuen namequidquio Mayan Icsa Satanas cuenmendac. Ma Nuquin Icbo Esusën: Mibitedi tantiaquiembi, quequin mibitedi ismendac.

Tantia. Chuinu, cun utsibo. Mibëtan Esus tantiaquido chieshënmequin cuëshëdmequido iquec. Aidon Nuquin Papan Chiaid mimbi tantiaidquio chienquio icquin mibitedi icsambuen namenuen muaquin chuibampec. Adquidobëd onquec tabadenda.

Nuquin Icbo Esuquidistun chiacpadombuen nainquio icquin aidon: Umbi chiaid tantiata, quequin abi bunaidquio namequin muaquin Esus tantiabentsëcquid icsambuen namec.

Nuquin Papa Bëdamboshë iquec, canuna. Umbi Esuquidistu chuibanac tantiabensho Nuquin Papan mibitedi chieshtoenquio icmiac umbi chuibambued Esus tantiec tabadta. Nuquin Papa ëndenquimboshë abitedi uabi yec: Iuecshun naindambi, quequin ambi matses tantiamenquio icpampidi mibi Esus tantiamiac. Aid chuiquin Nuquin Papa uënësesambo icquin ambi oncamiaido utsi utsien Esus chote dada uamepampic. Nëbi Esusën naid chuisho tantiaquin ma nidaid utsi utsiec yacno tabadquidon Esus tantiaquin aidën chiacpadombuen nanu, queshun Nuquin Papan Esusën naid chuibennequido icmiac. Nëbi Esuquidistunuidtsëqui tantiamiacpadombuen chuiquin: Nuquin Papa abentsëcquiobi iquec. Aidpadquid utsi nibëdec. Abitedimbo tantiaquid yec bëdamboshëcquid nec, canuna ënenquio icquin. Amen.