Versets bíblics populars de Uan 19

Comparteix

Adoac uba chinaid paë uaid mucambo icquid chishquin actanequien: Cun Pan chiacpadombuen nainquiombi, quetanequi tëdquëdbudec Esus uënëspondash.

Aden chuitanec uënësnushi Esus: Cun Pan chiacpadombuen nainombi. Matses tantiec ubided cuidadec uënësebi, quequin tantiec cun tsusedpan dada uaquin chiampicpadec: Acte bundobi, quepondash Esus.

Ambobi chidobo tabadnuc aidën dayun nidpondabi. Adec ambi tantiaidquio ubi icsho issun Esusën aton tita naden chuipondash: Min dayun nidquid cun mado cata, tita. Ma mibi bëdambuen dayun uanu, capondash. Adshumbic ubitsen chuiquin: Cun ta tita, cata. Adshun: Bëdambuen cun ta ubi dayun uashunta, cac cun shubuno buampondambi.

Adotanquin isaquien Esus ënden uënësac. Adacsho nidte podquënenquio icpondash. Adotanquimbic: Uënësabi icnushe, queshun: Esus uënësmequiobono, quetanquin sondadon cudan podo ansequin Esus uinte masepondash. Adoac intacbëd acte nuambo chididiquepondash.

Nuquin Papan tantiamiac cun tsusedpan: Canite podquënenquio iquendac, quequin chuiquin dada uampicpadombuen Esus canite podquënenquio icpondash. Adembidi: Ambi podo ansebued isec tabadendac, quequin Nuquin Papan Chiaid dada uapampic.

Aden: Uënës uatan, cac buanquin: Nëidën dectannu, queshun sondadon abi dectante cueste napotiaid Esus chiadtomepondash. Aden chiadtomianec nidequi macuësh mapi canite cuënaid yacno nidpondash. Aid macuësh mapi canite cuënquin cun onquete ebedeon Codcota capondash.

Aden cacuestanquin pinchuc pinchucpambo icnuc mauete nacnenaid Esus mauemepanëdash. Adotanquimbic chuiquid tapabimbuec isadnuc dashcute dapa piu piumbocquid dasiuimpanëdash.