Versets bíblics populars de Uan 14

Comparteix

Cun Pa yacno nidshun Cun Mayan mibëdi tabadmequin dacuëdenquio yec bëdambuec tabadquid mibi icmendambi. Ubi tantiesabombien mibi adquid icmetiapimbo iquendac. Umbi aden nate chuisho tantiash dacuëdec tabadenda.

Adoaquien Esusën: Nuquin Papa yacno nidte tantiamequidquio nebi. Nuquin Papan Chiaiduidtsëqui chiec muesambo nebi. Adquid icnuc ubiuidtsëqui tantiash Nuquin Papa yacno tabadendac.

Aden chuisho tantiash ubitedi natiec tabadsho isashien Esus: Natienda. Ubi dayun uaquid nec, quequin Nuquin Papa tantiata. Adembidi tantiaquin ubitsen tantiaquiota.

Cun Pa yacno nidshun umbi: Nuquin Mayan aido dayun uanuen aidobëd tabadmenuna, Papa, cac Cun Pan Aton Mayan Bëda mibëd tabadmendac. Adoac umbi nabanondaidbëta umbi chuibanondaidtedimbo mibi bëdambuen tantiameuaindac.

Umbi chuibued tantiaquin nabanquid yec ubi tantiaquidquio nendac. Adquid icsho Cun Pabëtan mibi tantiaquioquin: Adquio aton Papabëd Esus iquec, camequin mibi bëdambuen tantiamendambi, quepondash Esus.

Aden naquidquio icsho issun Cun Pabëd icquin Cun Pa naden chiendambi: Nuqui tantiaquido bëdambuen tantiamequin ma aido cudasënquin bëdambuen nashunnu. Nuquin Mayan Bëda aidobëd ënëdenquio icnuc tabadmenuna, Papa, umbi cac Cun Pan Aton Mayan Bëda mibëdi tabadmendac. Adoaid yec mibëd tëshnanenquio iquendac. Mibëd icquin ubi chuiquin mibi abimbo tantiamendac. Aid isadenquio icsho ubi tantiesabon aid tantiatiapimbo iquec. Mimbien aid tantiec. Cun Pan ubëd icmiaidquio icquin ambi namiaid ubi icsho Aton Mayan issumbimbuen mibitedishun tantiec. Aidi ubi nidan choash mibëd tëshnanenquio yec Cun Mayan mibëd iquendac.

Ubi tantiaquido mibitedishun: Ubi nashunta, Icbo, quesho tantiashun ambi chiacpadombuen nashunendambi. Nuquin Papa bëdamboshë iquec, camenuen ubi tantiaquidën chiacpadombuen nashunendambi, quepondash Esus abëd icquido chiec.

Adshumbic abëd icquido padpiden chiec Esus: Ubi tantiaquido icquin umbi chiacpadombuen naquid iquendac.

Cun Pan shubu yacno quënë dadpenquioshëcquid tsucustiapimbo iquendac. Adquidpenquio icsho mibi aden chienquio ictsiambi. Adquid tantiaquin: Ubi tantiaquido ubëdi tabadmendambi, quequin chiombi.

Adquid iquec, quiash ubia nidshun: Ubi tantiaquido nëmbo tabadmetiad, quequin Cun Pa chiendambi. Adashic ubi yacno ubëdi tabadmenuen mibitedi bednuec chouaindabi.

Adsho tantiashun Tomasën: ¿Mitsimbo nide, Icbo? Podquied tantienquio iquembique. En ubitedi chui, capondash.