Versets bíblics populars de Codinto 2 6

Comparteix

Esuquidistu tantiesabëtan icsambuen nainda. Uëshëmbocquidbëd inchëshquiocquid bëdambo ictiapimbo iquec. Adacbimbuec bëdambocquidbëd icsambocquid bëdambuec tabadtiapimbo iquec.

¿Matsesën ambibi nacnenshun papa caid tantiaquidta aton Mayan Nuquin Papan meniaid icpadic? Padenquio. Abi tantiaquid yec abi tabadtequid nuquibi nec. Adec Nuquin Papa uënëstiapimbocquidbëd tabadtequido nuqui nec. Nuquin Papan dada uamiampid nad iquec: Ubi tantiaquidobëd iquendabi. Aidobëd capuendabi. Aidon Papa caid nendabi. Aido cun matses nendac, quepampic Nuquin Papa.

Nadembidi chuiquin Nuquin Icbon dada uamepampic: Ubi tantiesabobëd tabadenquio yec cuenta. Umbi: Mishtemaid nec, caid mishenda. Adec icsambuen nainquio yec tabad. Adquid: Ubëd iquec cho, caindambi. Mibitedishun Papa caid nendabi. Adquid icquin: Mibitedi umbi: Cun mado nec. Cun champi nec, caido iquendac, quec Nuquin Papa nadatiambocquid, quequin chuiquin dada uapampic.

Esuquidistubëd Mayan Icsa Satanas bëdambuec isnantiapimbo iquec. Adecbidi Esuquidistu tantiaquidobëd Esus tantiesabo bëdambuec tabadtiapimbo iquec.