Bëdamboshëcquid mibi nec, Papa. Adquid icquin mimbi ënenquio icquin ubitedi tantiaquin Mimbi Chiaidquio chuimiac Esuquidistu tantiaquido yansho isash cuishonquebi. Esuquidistu chuibenneta, caid ubitedi nebi. Esuquidistubëd icsamboshëcquid dëniacquido nebi. Umbi chuibanaid nuadte bëdabimbuecquid nec. Nuadte bëda pushudec bëdambo nuadsho uanno uannoec tabadquidon shëdec. Adoacbimbuen ubipadquidon chuibennesho uanno uannoec tabadquidon tantiec. Ubitedi Esuquidistun namiaido yec Nuquin Papa shëdmetequid nuadte bëda pichicac nuadsho uanno uannoec tabadquin shëdacbimbuecquid nuqui nec. Adquid icquin chuibenniac Esus tantiate bunquidon tantiec. Adembidi Esus tantiesabo Nuquin Papan cuidtequidon umbi chuisho tantiate bunenquio iquendac.