Versets bíblics populars de Marcos 10

Comparteix

Hã kỹ sóg ũ mỹ rãnhrãj tĩ tũ nĩ gé. Sỹ tỹ ãjag mỹ rãnhrãj tĩ nĩ jé sóg kãtĩg. Tỹ sóg ẽprã ke fi kósin nĩ. Hã kỹ sóg vẽnh kar jagfy ter ke mũ, sỹ ag krenkren han jé,” he tóg.

Kỹ tóg ag mỹ: “ẽprã ke ag vỹ vẽnh kren han ki kagtĩg nỹtĩ,” he mũ. “Ag jãvo Topẽ tóg ẽg krenkren han ki kanhró nĩ. Topẽ hã tóg nén kar han ke ki kanhró nĩ inhhã,” he tóg.

Kỹ tóg: “hej, ã tỹ há' henh ke nẽ ha, ã tỹ inh ki rã tugrĩn“ he mũ. Kỹ tóg vẽsỹmér ẽvãnh há' he mũ sir, kỹ tóg ti nón tĩ mũ sir, ẽpry jagma.

Hã kỹ fag tỹ vẽnh kãpãm tũg nĩ. Ũ mỹ: “ha ã prũ fi fón,” he tũg nĩ. Topẽ tỹ fag tỹ ũn pir há vẽ mỹr,” he tóg.

Kỹ tóg ti ki ẽvãnh mũ, ti to há nĩn kỹ. “Nén ũ pir vỹ tũ nĩ ver,” he tóg mũ. “Ã tũ kar vãm tĩg, ã tỹ ũn jagtar ag mỹ vin jé, jãnkamy ti. Kỹ ã tóg kanhkã tá tũ mág nĩ sir. Kar kãtĩg nĩ, ã tỹ inh mré tĩg jé,” he tóg.

Kỹ tóg ti mỹ: “inh ã tỹ hẽ ri kenh mũ?“ he mũ. Kỹ tóg: “Senhor, sỹ venh há tóg tĩ,” he mũ.

Ag ri ke han tũg nĩ. Ãjag mỹ tỹ ũn mág nỹtĩ sór mũ'? Kỹ tỹ jagnẽ mỹ rãnhrãj tĩ ri ke nỹtĩm nĩ.

“Sỹ ke há vẽ. Gĩr ag vỹ iso hapẽ nỹtĩ. Ũn kãsir tag fag ri ke nỹtĩm nĩ. Ke tũ nĩ mũ ra ãjag tóg fag jãvo venh ke tũ pẽ nĩ,” he tóg.

“Jãvo tag ki ũn mág ũ tỹ tá térenh ke vẽ, kỹ tag ki ũn kãsir ũ tỹ tá jãprynh ke vẽ,” he tóg.

“Topẽ tỹ nén kar han ve ki tóg ti mré fi han,” he tóg. “Hã kỹ ũn gré tóg ti prũ fi to ti panh ré kỹ tĩ mũ, ti mỹnh fi ré kỹ tóg tĩ mũ gé, ti prũ fi mré. Fi mré tóg tỹ ũn pir nĩ sir, he ja tóg nĩ, Topẽ ti. Hã kỹ fag tóg tỹ ũn pir nỹtĩ. Fag pijé tỹ ũn régre nỹtĩ'.