Versets bíblics populars de Éfeso 5

Comparteix

Topẽ tỹ vẽjykre han tĩ ẽn hã han nĩ, ãjag tỹ tỹ ti fe nỹtĩn kỹ, ti krẽ. Jagnẽ to há kar nỹtĩm nĩ, Cristo tỹ ẽg to há nĩ ri ke. Ẽg jagfy tóg vẽnh fẽg. Ẽg tỹ Topẽ mỹ nén ũ pũn ri ke ti nĩ, ti tỹ ẽg jagfy vẽnh fẽg mũ ẽn ti. Kỹ tóg Topẽ mỹ há tĩ sir.

Ãjag tỹ nén han mũ to jykrén nĩ. Krĩ tũ nĩ sór tũg nĩ. Vẽjykre há ki vẽnh kanhrãn kỹ mũm nĩ. Kurã kren tũg sórm nĩ. Nén ũ jagy ve jé ẽg tóg ke mũ, hã kỹ tóg há tĩ, ẽg tỹ kurã kren tũ nĩn kỹ. Ũri ti rãnhrãj han nĩ. Kejen ti jagy tĩnh mũ, ẽg tỹ ti rãnhrãj han sór mũ ra.

Vinho tỹ vẽsén tũg nĩ, tỹ vẽnh pépév han tũg nĩ, goj fa tỹ ke gé. Vẽjykre kórég vẽ. Topẽ kuprĩg tỹ ẽg fãn tag hã ne há nĩ'. Jagnẽ mré Topẽ tỹ jãn nĩ. Ẽg Senhor jé tóm nĩ. Ti kuprĩg vỹ ẽg kanhrãn tĩ gé, ẽg tỹ ẽg Senhor mỹ nén tó sór mũ to, ẽg tỹ ti tỹ jãn há han jé. Ẽg tỹ ti mỹ: “há kar ti nĩ,” henh ke vẽ gé. Ẽg jóg tỹ Topẽ mỹ ẽg tóg tónh ke mũ, ti hã mỹ ẽg tóg: “ã tỹ ẽg mỹ nén ven mũ vỹ há kar nỹtĩ,” henh ke mũ, ẽg tỹ ẽg Senhor tỹ Jesus Cristo jiji tón kỹ.

Ẽg Senhor vỹ ẽg tỹ nén ũ há han mũ ve sór tĩ. Kỹ tag hã to jykrén nĩ, ãjag tỹ tag hã han jé.

Fag mén ag jé ag prũ fag to há nỹtĩ, Cristo tỹ ẽg to há nĩ ẽn ri ke. Ẽg jagfy tóg vẽnh fẽg

Vãsỹ ãjag tóg vẽjykre ki kuty hã han ja nĩgtĩ gé. Hã ra Topẽ tóg ãjag mỹ vẽjykre ki kurã ẽn nĩm, ãjag tỹ ti ki gen kỹ. Kỹ vẽjykre ki kurã tag hã han sórm nĩ.

Ẽg tỹ Cristo kamẽg kỹ tóg há tĩ. Kỹ ẽg tóg jagnẽ jykre mĩ mũnh ke mũ gé, ẽg tỹ tỹ ti mré ke nỹtĩn kỹ.

Ũn tỹtá fag jé fag mén ag jykre mĩ mũjẽg, fag tỹ ẽg Senhor jykre mĩ mũ ẽn ri ke.

Hã ra tóg ẽg mỹ rán kỹ nĩ gé, ẽg tỹ ẽg prũ fag to há nỹtĩ jé, ẽg tỹ vẽnh ki rĩr há han mũ tag ri ke. Kỹ tóg fag mỹ rán kỹ nĩ gé, fag tỹ fag mén vĩ jẽmẽn jé.

Tag vỹ rán kỹ nĩ, ha mẽ: “ũn gré tóg ti prũ fi mré ti panh ré kỹ tĩ mũ, ti mỹnh fi ré kỹ ke gé. Ti prũ fi mré tóg tĩnh mũ. Fi mré tóg tỹ ũn pir nĩ sir,” he ja tóg nĩgtĩ, Topẽ vĩ rán ki.

Kejẽn ãjag tóg ũ vég tĩ, hã ra tóg vẽjykre ki kuty han tĩ. Kỹ ti mré han sór tũg nĩ. Ti mỹ: “kórég ti nĩ, tovãnh nĩ,” hem nĩ.