Versets bíblics populars de 1 Corinto 2

Comparteix

Hã ra tóg rán kỹ nĩ, Topẽ vĩ rán ki, hã vỹ: “Topẽ tóg ẽg mỹ nén ũ há han ja nĩ, ũ tỹ ti to há kar mỹ mỹr,” he mũ. “Ũ pijé tag ve ja nĩ ver'. Ũ pijé tag mẽ ja nĩ ver'. Ẽprã ke ag pijé to jykrén ja nĩ ver'. Topẽ hã ne to jykrén ja nĩgtĩ,” he ja tóg nĩgtĩ.

Ẽprã ke ag pijé Topẽ kuprĩg to há nỹtĩ', ti jykre to'. Ag mỹ tóg tỹ Topẽ krĩ tũ nĩ ve nĩ. To jykrén há han ki kagtĩg ag nỹtĩ, ag tỹ Topẽ kuprĩg tỹ jagrẽ tũ nỹtĩn kỹ.

Kỹ tóg ẽg hã mỹ tó ja nĩ. Ti kuprĩg tỹ tóg ẽg kanhrãn ja nĩ, to. Ti kuprĩg vỹ nén kar to jykrén tĩgtĩ, Topẽ tỹ nén to jykrén mũ mré hã.

Hã ra Topẽ pijé ẽprã ke kuprĩg tỹ ẽg mỹ ẽg jagrẽ han'. Topẽ kuprĩg tỹ tóg ẽg mỹ ẽg jagrẽ han, ẽg tỹ ti tỹ ẽg mỹ nén nĩm mũ ki kanhró nỹtĩ jé. Ti hã vỹ ẽg kren han sór mũ, ẽg tỹ vẽnh kren han ki kagtĩg ra.

Isỹ ãjag mỹ Topẽ vĩ tó kỹ inh pijé vẽnh vĩ sĩnvĩ tỹ ãjag krĩn sór ja nĩgtĩ'. Topẽ kuprĩg tỹ inh jagrẽ nĩ hã tỹ sóg ãjag mỹ tó ja nĩgtĩ', ti jykre tar tỹ. Hã kỹ ãjag pijé ẽprã ke jykre há ki ge jẽg', ẽprã ke tỹ nén to jykrén mũn ki'. Hỹ, hã ra ãjag tóg Topẽ jykre tar ki ge jẽg, mỹr'.