Versets bíblics populars de 1 Corintios 8

Comparteix

Pet ech koj o', tan uma'l kuxh kuTiixh ati. As a'e' u Kub'aale' uve' cheesan tetz unq'a vee' skajayil. As esti'e' at ve't o' vatz u tx'ava'e' ti' kunimat Aak. As uma'l kuxh u kuB'ooq'ol ati. As a'e' u Kub'aal Jesucristo uva' ta'n vib'a'nile' as at ve't unq'a vee' skajayil. As at ve't kutiichajil ta'n Aak unpajte.

As cheel tuk untzaq'b'e b'en uma't u yole' uve' kat ech'oti sve ti' unq'a echb'ub'ale' uve' ni toksal vatz unq'a tze' tiixhe'. Tan ootzimale' sqa'n uva': «At ve't kutxumb'al,» ch'ex netale'. As je'saib' kuxhe' neb'ane' tuk' vetxumb'ale'. Pet aal la kuloch qib' ti' kuk'ujb'a't kuk'u'l ti' u Tiixhe' ti' kuxo'nit qib' sukuvatzaj. Tan asoj at umaj uxhchil la ije'sa tib' ti' uva' at ve't itxumb'al ni tale', as a'e' uve' b'iil kuxh itxumb'al ati.

Esti'e' ni val sete, tan asoj la yan itxumb'al umaj qitz'in qatzik ti' vechb'ut chib' as ye'l unpajtoj la vechb'u ve't chib', aq'al uva' ye' la paavin ve't u qitz'in qatzike' sva'n.

Pet la val sete, k'uxh la uch etechb'ut unq'a echb'ub'ale', as atoj sek'u'l uva' at ka't unq'a qitz'in qatzike' uva' ye'xh yak'inoj u k'ujleb'al ik'u'le'. As ye' la uchi uva' la ku' tu paav ta'n uve' neb'ane'.